Máli gegn Arnarlaxi vísað frá dómi

Frá laxeldi Arnarlax.
Frá laxeldi Arnarlax. mbl.is/Helgi Bjarnason

Héraðsdómur Reykjavíkur hefur vísað frá máli sem höfðað var til ógildingar starfs- og rekstrarleyfis Arnarlax hf. til sjókvíaeldis á laxi í Arnarfirði.

Málið var höfðað af málsóknarfélaginu Náttúruvernd 1, sem saman stendur meðal annars af veiðiréttarhöfum í Haffjarðará á Snæfellsnesi, Laxá á Ásum og í Fífustaðadal.

Þá eru einnig í félaginu annars vegar eigandi fyrirtækis í Arnarfirði, sem kveðst verða fyrir sjónmengun af kvíastæði Arnarlax, og hins vegar hlunnindahafi æðarvarps sem sagt er standa í námunda við kvíastæðið.

Hélt félagið því fram að hlunnindi þessara aðila muni skerðast, nái laxeldið fram að ganga. Ef eldið verði stækkað „sé svo gott sem vitað að villtir laxastofnar í ám á Íslandi muni eyðast innan fárra ára,“ segir í málsástæðum félagsins.

Líklegur til að hringsóla um landið

Vísað var til þess að um Ísland sé réttsælis hringstraumur í efstu sjávarlögum. Eldisfiskur sem sleppi hér við land sé samkvæmt norskum rannsóknum líklegur til að hringsóla um landið réttsælis og leita upp í ár hvar sem er á landinu. Því sé ljóst að laxeldi af þeirri stærðargráðu sem hér um ræði muni hafa áhrif á náttúrulega laxastofna um allt land.

Alls var þremur aðilum stefnt; Arnarlaxi, Matvælastofnun og Umhverfisstofnun.

Dómurinn komst hins vegar að því að málsástæður félagsins og sönnunarfærsla, um það hvort einstakir aðilar innan þess hafi lögvarða hagsmuni af úrlausn málsins, væru ekki með nægilega einsleitum hætti til að uppfyllt væru skilyrði þess ákvæðis um málsóknarfélög sem finna má í lögum um meðferð einkamála.

Var málinu því vísað frá dómi.

mbl.is
Afurð Dags. Meðalverð
Gellur 6.12.17 706,00 kr/kg
Þorskur, óslægður 19.2.18 216,19 kr/kg
Þorskur, slægður 19.2.18 260,69 kr/kg
Ýsa, óslægð 19.2.18 201,61 kr/kg
Ýsa, slægð 19.2.18 212,48 kr/kg
Ufsi, óslægður 19.2.18 31,75 kr/kg
Ufsi, slægður 19.2.18 99,03 kr/kg
Djúpkarfi 7.2.18 104,00 kr/kg
Gullkarfi 19.2.18 147,08 kr/kg
Litli karfi 14.2.18 18,00 kr/kg

Fleiri tegundir »

19.2.18 Þorlákur ÍS-015 Dragnót
Skarkoli 147 kg
Ýsa 139 kg
Steinbítur 92 kg
Þykkvalúra / Sólkoli 21 kg
Karfi / Gullkarfi 6 kg
Samtals 405 kg
19.2.18 Ásdís ÍS-002 Dragnót
Steinbítur 526 kg
Ýsa 195 kg
Skarkoli 52 kg
Þykkvalúra / Sólkoli 25 kg
Þorskur 17 kg
Lúða 13 kg
Samtals 828 kg
19.2.18 Páll Helgi ÍS-142 Dragnót
Skarkoli 330 kg
Þorskur 314 kg
Steinbítur 288 kg
Þykkvalúra / Sólkoli 40 kg
Ýsa 12 kg
Lúða 8 kg
Samtals 992 kg

Skoða allar landanir »