„Óforsvaranlegt með öllu“

Eldisk­ví­ar Akvafut­ure við Sæterosen í Vel­fjord.
Eldisk­ví­ar Akvafut­ure við Sæterosen í Vel­fjord.

Landssamband veiðifélaga gerir alvarlegar athugasemdir við áform Akvafuture um 20.000 tonna fiskeldi í Eyjafirði. Telur sambandið ótímabært með öllu að ráðast í umrædda framkvæmd.

Þetta kemur fram í tilkynningu frá sambandinu en greint var frá áformunum hér á 200 mílum í desember.

Fullyrt er í tilkynningunni að ljóst sé af matsáætlun að eldiskvíar fyrirtækisins hafi verið notaðar í skamman tíma í Noregi. Lítil reynsla sé komin á hversu fiskheldar þær eru.

„Sá búnaður sem stendur til að nota hefur ekki verið prófaður við íslenskar aðstæður. Tilgreindur búnaður er aðeins gefinn upp fyrir ölduhæð að tveimur metrum og telur Landssambandið að slíkan búnað verði að meta mjög ótraustan við íslenskar aðstæður,“ segir í tilkynningunni.

Engin reynsla á notkun kerfisins

„Það er óforsvaranlegt með öllu að ráðast í stórfellt sjóeldi á allt að 10 milljónum laxa í svo veikburða búnaði, sem engin reynsla er komin á við íslenskar aðstæður, í námunda við helstu laxveiðiár á Norður- og Austurlandi. Landssambandið telur að í ljósi þess að engin reynsla er á notkun þessa kerfis í sjókvíaeldi við Ísland verði að meta hættu á slysasleppingum frá eldinu með sama hætti og um hefðbundnar sjókvíar sé að ræða.“

Tekið er þá fram að sambandið leggist eindregið gegn fyrirhugaðri framkvæmd.

„Landssamband veiðifélaga setur fram ófrávíkjanlega kröfu um að sá búnaður sem fyrirtækið hyggst nota til eldisins verði þaulprófaður við íslenskar aðstæður og vottaður traustur af innlendum aðilum. Niðurstöður þeirra rannsókna verði síðan forsendur ákvörðunar um hvort taka megi búnaðinn til stórfelldrar framleiðslu á frjóum laxi í sjó við Ísland.“

mbl.is

Bloggað um fréttina

Afurð Dags. Meðalverð
Gellur 6.12.17 706,00 kr/kg
Þorskur, óslægður 17.1.18 282,75 kr/kg
Þorskur, slægður 17.1.18 310,59 kr/kg
Ýsa, óslægð 17.1.18 328,42 kr/kg
Ýsa, slægð 17.1.18 296,41 kr/kg
Ufsi, óslægður 17.1.18 97,29 kr/kg
Ufsi, slægður 17.1.18 123,26 kr/kg
Djúpkarfi 29.12.17 131,00 kr/kg
Gullkarfi 17.1.18 324,42 kr/kg
Litli karfi 14.12.17 0,00 kr/kg

Fleiri tegundir »

18.1.18 Digranes NS-124 Lína
Ýsa 313 kg
Þorskur 301 kg
Samtals 614 kg
18.1.18 Hjalteyrin EA-306 Botnvarpa
Ufsi 2.126 kg
Karfi / Gullkarfi 722 kg
Samtals 2.848 kg
17.1.18 Sæfugl ST-081 Landbeitt lína
Þorskur 769 kg
Ýsa 436 kg
Samtals 1.205 kg
17.1.18 Sigrún EA-052 Handfæri
Ufsi 245 kg
Þorskur 158 kg
Samtals 403 kg
17.1.18 Þorleifur EA-088 Þorskfisknet
Þorskur 4.645 kg
Ufsi 2.628 kg
Karfi / Gullkarfi 871 kg
Ýsa 100 kg
Hlýri 23 kg
Samtals 8.267 kg

Skoða allar landanir »