Sólberg á toppnum

Sólberg ÓF, togari Ramma hf. í Fjallabyggð, er það skip sem mestar aflaheimildir fær og hefur á fiskveiðiárinu sem hófst í gær. Samtals er kvóti skipsins 12.392 tonn. Í öðru sæti er togari Brims, Guðmundur í Nesi RE, með 11,594 tonn.

Í 3. og 4. sæti eru Sauðárkrókstogararnir sem Fisk gerir út; Málmey SK frá Sauðárkróki með 8.711 tonn og Drangey SK  með 8.588 tonn. Viðey, togari Granda er í 5. sæti, en þeim togara er heimilt að veiða 8.439 tonn á nýhöfnu kvótaári.

Breki VE frá Vestmannaeyjum er í 6. sæti, Björgólfur EA í því 7., Vigri RE er númer átta í röðinni, Björg EA í 9. sæti og loks í 10. sætinu er Engey RE.

• Blogga um frétt