„Þvílíkur formaður!“

Heiðveig segir skoðanir hennar og nálgun ekki eiga hljómgrunn með …
Heiðveig segir skoðanir hennar og nálgun ekki eiga hljómgrunn með forystu félagsins, það sé nokkuð ljóst. mbl.is/Eggert

„[H]ann í alvöru skáldar upp sakir á félagsmann og síðan fær hann rekinn úr félaginu. Þvílíkur leiðtogi !! Þvílíkur formaður !!“

Þetta skrifar Heiðveig María Einarsdóttir, frambjóðandi til formanns Sjómannafélagsins, á Facebook-síðu framboðslista síns, og vísar til gjörða núverandi formanns, Jónasar Garðarssonar. Segist hún enn fremur hafa rekið augun í að menn fari frjálslega með staðreyndir og hiki ekki við að leggja henni orð í munn.

„Ég sagði í upphafi að ég efaðist um tilurð fundargerðanna vegna a.m.k. átta formgalla og mismunar sem er á fundargerð annars vegar og þess sem kemur fram á heimasíðu félagsins um lög félagsins hins vegar. Svör frá forsvarsmönnum félagsins varpa ekki ljósi á þessar athugasemdir mínar og því hef ég gert athugasemdir eins og alkunna er,“ skrifar Heiðveig.

„Ef ég get ekki leyft mér að efast um tilurð þessarar fundargerðar miðað við allar þær ástæður sem ég hef hrakið þá held ég að við séum á slæmum stað hvað varðar tjáningarfrelsi og lýðræðislega þátttöku í stéttarfélögum sem og almennt.“

Jónas Garðarsson, formaður Sjómannafélags Íslands, hefur sagt Heiðveigu hafa skaðað …
Jónas Garðarsson, formaður Sjómannafélags Íslands, hefur sagt Heiðveigu hafa skaðað hagsmuni félagsins. mbl.is/Hari

Í besta falli misskilningur, í versta falli afbökun

Bendir hún á að orð á borð við fölsun og rifnar blaðsíður komi fyrst fram hjá Jónasi í aðsendum greinum í Morgunblaðinu sem og í viðtölum. Jónas hefur einnig sagt hana hafa reynt að draga ummæli um fölsun fundargerðar til baka í þættinum Bítinu á Bylgjunni.

„Að ég hafi reynt að sverja eitthvað af mér í viðtali við Bitið er í besta falli misskilningur og í versta falli afbökun - ég einfaldlega er að leiðrétta þá orðræðu sem formaðurinn sjálfur kom af stað. Þá hefur útúrsnúningur formannsins á þessum orðum mínum þar sem hann heldur því fram að ég hafi sagt margt sem ég aldrei sagði líkt og ég bendi á hér að ofan orðið kjarninn í afbakaðri röksemdarfærslu fjórmenningana sem kröfðust þess að mér yrði vikið úr félaginu (og líklega í umfjöllun þeirra er mættu á fundinn), sem greinilega sést í enn einni aðsendri greininni í Morgunblaðið í morgun frá einum af þessum fjórmenningum,“ skrifar Heiðveig.

„Þá má bæta þessum atriðum við þann skaða er núverandi formaður hefur valdið félaginu, hann í alvöru skáldar upp sakir á félagsmann og síðan fær hann rekinn úr félaginu. Þvílíkur leiðtogi !! Þvílíkur formaður !! Hið rétta er að ég efaðist um tilurð fundargerðarinnar og það sannarlega vantaði bls. í þá sendingu sem ég fékk í tölvupósti - sú bls. hefur enn ekki borist.“

Liggur beinast við að bjóða fram lista

Heiðveig tekur fram að eftir árangurslausar og ítrekaðar tilraunir til svara frá núverandi forystu félagsins sé henni sá einn kostur nauðugur að leita réttar síns fyrir dómstólum. Því hafi hún lagt inn stefnu til Félagsdóms sem og óskað eftir flýtimeðferð málsins.

„Enn og aftur tókst forystunni með fordæmalausum aðgerðum að bæði tefja málið með ósk um tryggingu vegna málskostnaðar er á félagið gæti fallið myndi ég tapa málinu - þá með skírskotun í mín persónulegu mál og þá jafnvel til þess eins að reyna að vega enn frekar að æru minni - sem staðfestist í rauninni í beiðninni sjálfri þar sem þeir hafa ekki einu sinni fyrir því að óska eftir upphæð til tryggingar fyrir málskostnaði og leggja það í mat dómsins,“ skrifar hún.

„Það er nokkuð ljóst fyrir löngu að skoðun og nálgun mín á málefnum sjómanna á ekki hljómgrunn með núverandi forystu – því liggur það beinast við í lýðræðis félagi að bjóða fram lista með þeim áherslum og leggja það í dóm félagsmanna sjálfra að ákveða hvaða leið verður farin.“

mbl.is
Afurð Dags. Meðalverð
Gellur 9.9.20 961,00 kr/kg
Þorskur, óslægður 29.9.20 457,23 kr/kg
Þorskur, slægður 29.9.20 376,74 kr/kg
Ýsa, óslægð 29.9.20 310,06 kr/kg
Ýsa, slægð 29.9.20 305,73 kr/kg
Ufsi, óslægður 29.9.20 153,71 kr/kg
Ufsi, slægður 29.9.20 148,50 kr/kg
Djúpkarfi 21.9.20 192,00 kr/kg
Gullkarfi 29.9.20 261,12 kr/kg
Litli karfi 19.8.20 16,00 kr/kg

Fleiri tegundir »

29.9.20 Blíðfari ÓF-070 Þorskfisknet
Þorskur 877 kg
Ufsi 86 kg
Samtals 963 kg
29.9.20 Hafbjörg ST-077 Þorskfisknet
Þorskur 223 kg
Ýsa 92 kg
Samtals 315 kg
29.9.20 Sævík GK-757 Lína
Ýsa 7.218 kg
Þorskur 1.089 kg
Steinbítur 2 kg
Langa 2 kg
Samtals 8.311 kg
29.9.20 Eva Björt ÍS-086 Lína
Ýsa 1.084 kg
Þorskur 30 kg
Samtals 1.114 kg

Skoða allar landanir »

Afurð Dags. Meðalverð
Gellur 9.9.20 961,00 kr/kg
Þorskur, óslægður 29.9.20 457,23 kr/kg
Þorskur, slægður 29.9.20 376,74 kr/kg
Ýsa, óslægð 29.9.20 310,06 kr/kg
Ýsa, slægð 29.9.20 305,73 kr/kg
Ufsi, óslægður 29.9.20 153,71 kr/kg
Ufsi, slægður 29.9.20 148,50 kr/kg
Djúpkarfi 21.9.20 192,00 kr/kg
Gullkarfi 29.9.20 261,12 kr/kg
Litli karfi 19.8.20 16,00 kr/kg

Fleiri tegundir »

29.9.20 Blíðfari ÓF-070 Þorskfisknet
Þorskur 877 kg
Ufsi 86 kg
Samtals 963 kg
29.9.20 Hafbjörg ST-077 Þorskfisknet
Þorskur 223 kg
Ýsa 92 kg
Samtals 315 kg
29.9.20 Sævík GK-757 Lína
Ýsa 7.218 kg
Þorskur 1.089 kg
Steinbítur 2 kg
Langa 2 kg
Samtals 8.311 kg
29.9.20 Eva Björt ÍS-086 Lína
Ýsa 1.084 kg
Þorskur 30 kg
Samtals 1.114 kg

Skoða allar landanir »