Óhjákvæmilegt að skoða breytt skipulag

Óhjákvæmilegt er að tekið verði til athugunar breytt skipulag stjórnar ...
Óhjákvæmilegt er að tekið verði til athugunar breytt skipulag stjórnar makrílveiða vegna dóma Hæstaréttar fyrr í dag. mbl.is/Árni Sæberg

Ráðuneyti Kristjáns Þórs Júlíussonar, sjávarútvegs- og landbúnaðarráðherra, mun fara yfir forsendur dóma Hæstaréttar um viðurkenningu á bótaskyldu ríkisins sem féllu fyrr í dag. Óhjákvæmilegt er að jafnhliða verði tekið til athugunar breytt skipulag stjórnar makrílveiða.

Þetta kemur fram í tilkynningu frá ráðuneytinu. Þar segir:

„Hæstiréttur Íslands kvað í dag upp tvo dóma í málum Hugins ehf. og Ísfélags Vestmannaeyja hf. gegn íslenska ríkinu. Í dómunum kemst Hæstiréttur að þeirri niðurstöðu að íslenska ríkið sé skaðabótaskylt vegna stjórnunar veiða á makrílstofninum á árunum 2011-2014. Hæstiréttur sneri þar með við dómi Héraðsdóms Reykjavíkur sem hafði sýknað íslenska ríkið. 

Með dómunum var viðurkennt að skylt hafi verið árið 2011 að úthluta aflamarki til veiðanna og að veiðireynsla hafi talist samfelld á þeim tíma. Með þessu var álitið að fyrirkomulag veiðileyfa samkvæmt árlegum reglugerðum sjávarútvegsráðherra frá 2010-2013 um stjórn veiðanna, sem fólu í sér úthlutun til fleiri aðila en þeirra einna sem verið höfðu að veiðunum 2007-2010, hafi ekki samrýmst lögum. Þess í stað var á sínum tíma ráðstafað jafnhliða á aðra flokka skipa til að auka fjölbreytni við veiðarnar.“

Ráðuneytið muni nú fara yfir forsendur dómsins með ríkislögmanni og í kjölfarið ákvarða næstu skref. Þá sé óhjákvæmilegt að jafnhliða verði tekið til athugunar breytt skipulag stjórnar makrílveiða.

mbl.is
Afurð Dags. Meðalverð
Þorskur, óslægður 14.12.18 264,43 kr/kg
Þorskur, slægður 14.12.18 336,44 kr/kg
Ýsa, óslægð 14.12.18 229,02 kr/kg
Ýsa, slægð 14.12.18 223,03 kr/kg
Ufsi, óslægður 14.12.18 71,97 kr/kg
Ufsi, slægður 14.12.18 95,86 kr/kg
Djúpkarfi 6.12.18 307,00 kr/kg
Gullkarfi 14.12.18 281,38 kr/kg
Litli karfi 24.10.18 17,00 kr/kg
Blálanga, óslægð 14.12.18 257,33 kr/kg

Fleiri tegundir »

15.12.18 Halldór Sigurðsson ÍS-014 Rækjuvarpa
Rækja (úthafsrækja) 2.421 kg
Samtals 2.421 kg
15.12.18 Hrefna ÍS-267 Landbeitt lína
Ýsa 2.961 kg
Þorskur 2.592 kg
Steinbítur 62 kg
Karfi / Gullkarfi 8 kg
Langa 8 kg
Samtals 5.631 kg
15.12.18 Blossi ÍS-225 Landbeitt lína
Þorskur 2.014 kg
Ýsa 1.195 kg
Steinbítur 38 kg
Samtals 3.247 kg
15.12.18 Guðmundur Einarsson ÍS-155 Landbeitt lína
Þorskur 250 kg
Ýsa 97 kg
Langa 67 kg
Karfi / Gullkarfi 12 kg
Hlýri 3 kg
Keila 2 kg
Samtals 431 kg

Skoða allar landanir »