Japanir segja sig úr hvalveiðiráðinu

Hnúfubakur í Kyrrahafinu. Mynd úr safni.
Hnúfubakur í Kyrrahafinu. Mynd úr safni. AFP

Japanir ætla að segja sig úr Alþjóðahvalveiðiráðinu (IWC) á næsta ári og hefja hvalveiðar að nýju. Yoshihide Suga, talsmaður japönsku ríkisstjórnarinnar staðfesti þetta á fundi með fréttamönnum. Úrsögnin tekur gildi 30. júní 2019 og gera japönsk stjórnvöld ráð fyrir að hefja strax næsta dag atvinnuveiðar í japanskri lögsögu, en IWC bannaði hvalveiðar í atvinnuskyni árið 1986.   

BBC segir þessa ákvörðun japanskra stjórnvalda líklega til að sæta mikillar gagnrýni alþjóðasamfélagsins.

Hvalveiðar hafa verið hluti japanskrar menningar um aldaskeið og er neysla hvalkjöts einnig hluti þeirrar menningar. Japan hefur hins vegar verið meðlimur að IWC frá árinu 1951og hafa því undanfarna áratugi eingöngu stundað hvalveiðar í vísindaskyni.

Hafa japönsk stjórnvöld ítrekað, en án árangurs, reynt að fá IWC til að samþykkja að Japan fái að hefja hvalveiðar í atvinnuskyni á ný. Hafa japönsk stjórnvöld líka ítrekað hótað að segja skilið við hvalveiðiráðið og kemur úrsögn þeirra nú því ekki á óvart.

Sala á því kjöti sem Japanir hafa hingað til veitt í vísindaskyni hefur verið harðlega gagnrýnd af hópum umhverfisverndarsinna, sem einnig vara nú við afleiðingum af úrsögn Japans úr IWC.  Benda þau m.a. á að eftir úrsögnina geti Japanir til að mynda hafið hrefnuveiðar á ný, en hrefnan er meðal þeirra hvaltegunda sem bann IWC nær yfir.

Segir AFP japönsk hvalveiðiskip þar með bætast í hóp norskra og íslenskra hvalveiðiskipa sem ekki virði bann hvalveiðiráðsins við veiðum í atvinnuskyni.

mbl.is
Afurð Dags. Meðalverð
Þorskur, óslægður 19.2.19 298,13 kr/kg
Þorskur, slægður 19.2.19 354,38 kr/kg
Ýsa, óslægð 19.2.19 255,51 kr/kg
Ýsa, slægð 19.2.19 263,39 kr/kg
Ufsi, óslægður 19.2.19 87,27 kr/kg
Ufsi, slægður 19.2.19 156,01 kr/kg
Djúpkarfi 4.2.19 109,00 kr/kg
Gullkarfi 19.2.19 201,04 kr/kg
Litli karfi 13.2.19 0,00 kr/kg
Blálanga, óslægð 19.2.19 134,00 kr/kg

Fleiri tegundir »

20.2.19 Valur ÍS-020 Rækjuvarpa
Rækja (úthafsrækja) 4.708 kg
Samtals 4.708 kg
19.2.19 Sandfell SU-075 Lína
Ýsa 1.269 kg
Þorskur 499 kg
Steinbítur 267 kg
Langa 71 kg
Keila 17 kg
Samtals 2.123 kg
19.2.19 Sunnutindur SU-095 Línutrekt
Þorskur 8.235 kg
Samtals 8.235 kg
19.2.19 Öðlingur SU-019 Línutrekt
Þorskur 3.094 kg
Samtals 3.094 kg
19.2.19 Hlökk ST-066 Landbeitt lína
Þorskur 3.975 kg
Ýsa 483 kg
Steinbítur 179 kg
Hlýri 8 kg
Lýsa 3 kg
Samtals 4.648 kg

Skoða allar landanir »