Tveir koma í stað Óskars hjá Samherja

Þrír togarar Samherja á Pollinum við Akureyri.
Þrír togarar Samherja á Pollinum við Akureyri. mbl.is/Skapti Hallgrímsson

Tveir starfsmenn koma til með að taka við yfirstjórn útgerðarsviðs Evrópuútgerðar Samherja af Óskari Ævarssyni sem hefur ákveðið að láta af störfum 1. ágúst á þessu ári.

Annar þeirra er Pétur Þór Erlingsson, sem hefur búið í nágrenni Cuxhaven frá árinu 2016 og verið aðstoðarmaður framkvæmdastjóra útgerðarsviðsins á þeim tíma. Pétur er vélfræðingur og rafvirki að mennt ásamt því að hafa lokið véla- og rekstrariðnfræði frá Háskólanum í Reykjavík.

Pétur Þór Erlingsson, Guðmundur Óli Hilmisson og Elísabet Ýr Sveinsdóttir.
Pétur Þór Erlingsson, Guðmundur Óli Hilmisson og Elísabet Ýr Sveinsdóttir.

Skrifstofunni í Cuxhaven berst einnig liðsstyrkur frá Akureyri, þar sem Guðmundur Óli Hilmisson hefur ákveðið að flytja til Cuxhaven með fjölskyldu sinni. Guðmundur hefur verið gæðastjóri hjá Samherja frá árinu 2015 en mun hefja störf sem framkvæmdastjóri útgerðarsviðsins við hlið Péturs Þórs. Guðmundur Óli er menntaður sjávarútvegsfræðingur frá Háskólanum á Akureyri.

Þetta kemur fram í tilkynningu frá Samherja. Auk þess er þar bent á að í september á síðasta ári hafi Elísabet Ýr Sveinsdóttir ráðið sig til Evrópuútgerðar Samherja. Elísabet er viðskiptafræðingur frá Bifröst og með meistaragráðu í stjórnunarreikningsskilum og viðskiptagreind frá Háskólanum í Reykjavík.

Elísabet mun vinna við þróun kerfis þar sem rauntímagögn úr rekstri, veiðum, framleiðslu og sölu eru vistuð í lotur. Þannig verði hægt að bera saman kennitölur úr rekstri í rauntíma við sögulegar rekstrartölur.

mbl.is
Afurð Dags. Meðalverð
Þorskur, óslægður 17.4.19 355,41 kr/kg
Þorskur, slægður 17.4.19 380,86 kr/kg
Ýsa, óslægð 17.4.19 354,23 kr/kg
Ýsa, slægð 17.4.19 291,79 kr/kg
Ufsi, óslægður 17.4.19 91,66 kr/kg
Ufsi, slægður 17.4.19 125,76 kr/kg
Djúpkarfi 9.4.19 224,97 kr/kg
Gullkarfi 17.4.19 208,01 kr/kg
Litli karfi 4.4.19 0,00 kr/kg
Blálanga, óslægð 12.4.19 10,00 kr/kg

Fleiri tegundir »

22.4.19 Gullbrandur NS-031 Grásleppunet
Grásleppa 1.003 kg
Þorskur 90 kg
Samtals 1.093 kg
21.4.19 Von SK-021 Grásleppunet
Grásleppa 971 kg
Þorskur 46 kg
Skarkoli 16 kg
Rauðmagi 11 kg
Samtals 1.044 kg
21.4.19 Þorgrímur SK-027 Grásleppunet
Grásleppa 1.816 kg
Samtals 1.816 kg
21.4.19 Skáley SK-032 Grásleppunet
Grásleppa 1.233 kg
Þorskur 49 kg
Skarkoli 18 kg
Keila 12 kg
Samtals 1.312 kg

Skoða allar landanir »