Gamla Vestmannaey, skip útgerðarfélagsins Bergs-Hugins, hefur nú fengið nafnið Smáey og einkennisstafina VE-444 eftir að ný Vestmannaey kom til landsins frá Noregi um miðjan síðasta mánuð.

Fram kemur á vef Síldarvinnslunnar, móðurfélags Bergs-Hugins, að útgerðin hafi áður átt skip sem bar nafnið Smáey, en það var selt árið 2012 til Grenivíkur.

Gert er ráð fyrir að ný Bergey, systurskip nýrrar Vestmannaeyjar, komi til landsins í septembermánuði. Gamla Bergey hefur verið seld Guðmundi Runólfssyni hf. í Grundarfirði og er stefnt að því að skipið verði afhent nýjum eiganda í síðasta lagi í septembermánuði.

Skiptir máli að bæta meðferð

Birg­ir Þór Sverris­son, skip­stjóri Vest­manna­eyj­ar, sagði í sam­tali við 200 míl­ur í júlí að tími hafi verið kom­inn á end­ur­nýj­un skips­ins, en horft hafi verið til þess að bæta vinnuaðstöðuna um borð til að auka gæði fisks­ins, meðal ann­ars með stækk­un vinnslu­dekks. Hann seg­ir Íslend­inga jafn­an vera of seina að end­ur­nýja skip.

„Það sem mestu máli skipt­ir er að bæta meðferð á afl­an­um og auka gæðin. Með nýja skip­inu og búnaðinum um borð eig­um við að fá fram betri kæl­ingu og aðgerðaraðstaðan er betri.“

Frétt af mbl.is

Gæði fisksins munu aukast

Tengdar fréttir

Endurnýjun skipaflotans

Unnið hörðum höndum í nýjum Hákoni

• Ætla að smíða tvö ný fiskiskip
• Togurum fækkaði um þrjá
• „Erum hvergi nærri af baki dottin“
• Sjósettu nýjan Hákon ÞH í Póllandi

» Fleiri tengdar fréttir

• Blogga um frétt