Verðmæti aflans nam 128 milljörðum

Í tonnum talið veiddist mest af uppsjávarfiski.
Í tonnum talið veiddist mest af uppsjávarfiski. mbl.is/Kristinn Ingvarsson

Íslensk skip lönduðu tæplega 1.259 þúsund tonnum af afla á síðasta ári, um 79 þúsund tonnum meira en árið áður. Aflaverðmæti ársins nam enn fremur 128 milljörðum króna og jókst um 15,6% á milli ára.

Verðmæti aflans eykst því meira en sá afli sem landað er, en aflaaukningin nemur 7% samanborið við 15,6% aukningu aflaverðmætis.

Að því er fram kemur á vef Hagstofu veiddust alls rúmlega 480 þúsund tonn af botnfiski, sem er 51 þúsund tonnum meira en árið 2017. Aflaverðmæti botnfiskafla nam tæpum 91 milljarði króna árið 2018 og jókst um 17,9% frá fyrra ári. Þorskur er sem fyrr verðmætasta fisktegundin með aflaverðmæti upp á rúma 57 milljarða króna.

Í tonnum talið veiddist mest af uppsjávarfiski, en árið 2018 veiddust tæplega 739 þúsund tonn, eða 20,5 þúsund tonnum meira en árið 2017. Mest veiddist af kolmunna, eða tæp 300 þúsund tonn, á meðan samdráttur varð í veiðum á síld, loðnu og makríl. Aflaverðmæti uppsjávarafla jókst um 2,6% miðað við fyrra ár og var 24,4 milljarðar króna árið 2018.

Af flatfiski veiddust rúmlega 27 þúsund tonn árið 2018, sem er 23,6% aukning frá fyrra ári. Aflaverðmæti flatfiskafurða jókst um 35,6% miðað við árið 2017. Löndun á skelfiski og krabbadýrum var tæplega 12.500 tonn árið 2018 sem er magnaukning um 18,3% frá árinu áður. Verðmæti skel- og krabbaafla jókst um 7,2% miðað við 2017.

mbl.is
Afurð Dags. Meðalverð
Þorskur, óslægður 16.8.19 343,76 kr/kg
Þorskur, slægður 16.8.19 285,29 kr/kg
Ýsa, óslægð 16.8.19 231,67 kr/kg
Ýsa, slægð 16.8.19 251,33 kr/kg
Ufsi, óslægður 16.8.19 98,01 kr/kg
Ufsi, slægður 16.8.19 138,45 kr/kg
Djúpkarfi 8.8.19 204,00 kr/kg
Gullkarfi 16.8.19 197,68 kr/kg
Litli karfi 15.8.19 0,00 kr/kg
Blálanga, óslægð 8.8.19 300,00 kr/kg

Fleiri tegundir »

18.8.19 Otur Ii ÍS-173 Landbeitt lína
Þorskur 1.464 kg
Ýsa 536 kg
Steinbítur 59 kg
Langa 39 kg
Karfi / Gullkarfi 11 kg
Samtals 2.109 kg
18.8.19 Bergey VE-544 Botnvarpa
Karfi / Gullkarfi 28.225 kg
Djúpkarfi 1.165 kg
Samtals 29.390 kg
18.8.19 Einar Hálfdáns ÍS-011 Landbeitt lína
Þorskur 1.289 kg
Ýsa 905 kg
Steinbítur 47 kg
Ufsi 4 kg
Skarkoli 2 kg
Samtals 2.247 kg

Skoða allar landanir »