Alls hafa færabátar veitt um 1.886 tonn af makríl það sem af er liðið vertíðinni á þessu sumri. Á sama tíma á síðasta ári hafði 2.021 tonni verið landað, en það er þrátt fyrir að veiðarn í ár hafi hafist töluvert fyrr í ár en í fyrra.

Þessu veldur einna helst léleg veiði undanfarna viku, sem gefið hefur aðeins um hundrað tonn. Til samanburðar veiddust um þúsund tonn á tímabilinu 17. ágúst  - 23. ágúst í fyrra.

Brynja SH aflahæsti báturinn

Á þetta er bent á vef Landssambands smábátaeigenda, en þar segir að fjörutíu bátar hafi verið að makrílveiðum þessa vertíð.

Aflahæsti báturinn er Brynja SH með 127 tonn en fimm aðrir bátar eru komnir með yfir hundrað tonn: Fjóla GK með 126 tonn, Addi afi GK með 123 tonn, Júlli Páls SH með 122 tonn, Siggi Bessa SF með 114 tonn og Guðrún Petrína GK með 106 tonn.

Ekkert veiðst fyrir norðan land

Ekkert hefur veiðst fyrir norðan land en á síðasta ári hafði Herja ST frá Hólmavík veitt mest um þetta leyti, eða 136 tonn.

Veiðin við Reykjanes er orðin sáralítil og eru sjómenn þar sagðir orðnir áhyggjufullir um að makríllinn hafi yfirgefið slóðina vegna kólnandi sjávar.

Menn lifi þó enn í voninni og bendi á að veiðitímabilið hafi í flestum tilvikum náð fram yfir mánaðamót.

Tengdar fréttir

Smábátaveiðar

Ánægður með nýja Sigrúnu Björk ÞH

• Lokun Skápsins tvímælalaust að skila sér
• „Leggjum línuna hvenær sem veður leyfir“
• Náðu 10 tonnum í mokveiði
• Fordæma vinnubrögð og mótmæla tillögum

» Fleiri tengdar fréttir

• Blogga um frétt