„Þetta hefur gengið alveg ljómandi vel. Það var að vísu bræla fyrstu tvo dagana en svo hefur verið mjög góð veiði og fallegur og góður fiskur,“ segir Ómar Sigurðsson, sem tekur þátt í strandveiðum ársins á Þresti BA-48, í samtali við 200 mílur. Hann segir veðrið hafa verið afskaplega gott síðustu tvo daga og að verð á mörkuðum hafa verið fram úr vonum.

Frétt af mbl.is

Fleiri sækja í strandveiðarnar sem hófust í dag

Ómar gerir út frá Arnarstapa og kveðst færa sig til Patreksfjarðar í júní, en þaðan hefur hann verið að róa frá því að strandveiðar hófust árið 2009. „ Ég verð út allt þetta tímabil, kominn í helgarfrí núna og fer aftur á sjóinn á mánudaginn. Þetta er alveg yndislegt. […] Þetta er gríðarlegt atriði fyrir sjávarplássin, þau fyllast af lífi þegar strandveiðarnar byrja.“

Hann telur almenna ánægju meðal strandveiðimanna með veiðarnar og að það hafi verið gerð jákvæð breyting á kerfinu í fyrra. „Það er alltaf svo að það má alltaf gott laga. Við hefðum viljað veiða á sunnudögum þannig að við værum með fisk kláran á mánudagsmorgni fyrir vinnslurnar. Annars eru menn bara mjög sáttir.“

Ómar kom með vænan afla að landi í gær. Ljósmynd/Aðsend

Tengdar fréttir

Smábátaveiðar

Ánægður með nýja Sigrúnu Björk ÞH

• Lokun Skápsins tvímælalaust að skila sér
• „Leggjum línuna hvenær sem veður leyfir“
• Náðu 10 tonnum í mokveiði
• Fordæma vinnubrögð og mótmæla tillögum

» Fleiri tengdar fréttir

• Blogga um frétt