„Staðan er óbreytt það hefur ekkert fundist enn þá“

„Staðan er óbreytt, það hefur ekkert fundist enn þá,“ segir Óskar Þór Guðmundsson, rannsóknalögreglumaður hjá lögreglunni á Austurlandi, í samtali við 200 mílur um leitina að sjómanninum á Erlingi KE-140 sem talinn er að hafa fallið fyrir borð í Vopnafirði á mánudag. Hann segir hverfandi líkur á því að sjómaðurinn finnist á lífi.

„Leitin, eins og hún er núna, er í miklu minna sniði en hún var í upphafi. Björgunarsveitin á Vopnafirði er að ganga fjörur og ætlar að reyna að gera það á hverjum degi, alla vega fram að helgi,“ segir Óskar Þór og bætir við að til standi að fjölga mannskap í leitarhópnum um helgina. „Við kannski veljum okkur þann dag sem verður betra veður til leitar.“

Frétt af mbl.is

25 manns taka þátt í leitinni

• Blogga um frétt