Íslenski sjávarklasinn hefur hafið undirbúning á kynningu á þeirri tækni, ráðgjöf og þjónustu sem íslensk fyrirtæki geta veitt á alþjóðamarkaði á sviði nýtingar hliðarafurða fisks, segir í tilkynningu á vef Sjávarklasans.

„COVID-19 hefur gert sjávarútvegi um allan heim erfitt fyrir. Mörg erlend sjávarútvegs- og vinnslufyrirtæki þurfa því nú enn meira en áður að skoða alla möguleika til að nýta betur afurðir og fá þannig meiri verðmæti,“ segir í tilkynningunni.

Fram kemur að rannsóknir benda til þess að fjölmargar þjóðir nýta ekki eða illa hliðarafurðir fisksins. Þar á meðal haus, bein og roð, innyfli og þess háttar. „Íslendingar hafa á hinn bóginn skapað sér nafn sem sú þjóð sem nýtir vel hliðarafurðir sjávarfangs og fjölmörg fyrirtæki eru starfrækt á Íslandi sem sinna rekstri á þessu sviði.“

Biður Sjávarklasinn því nú um upplýsingar frá þeim aðilum sem bjóða upp á tækni á þessu sviði, ráðgjöf eða aðra þjónustu sem nýst getur erlendum aðilum sem vilja bæta nýtingu sjávarafurða. Í kjölfar þess að búið er að tengja saman einstaklinga, stofnanir og fyrirtæki sem hafa áhuga á að efla samstarf á þessu sviði, verður farið í að undirbúa kynningu.

Tengdar fréttir

Nýsköpun og tækni í sjávarútvegi

Hugmyndafræði Sjávarklasans víða eftirsótt

• Rétt hugarfar hafi átt áhrif á heimsvísu
• Árangur Íslands skólabókardæmi um fullnýtingu
• Vinnslur gætu framleitt eigin sótthreinsiefni úr sjó
• Sjávarútvegurinn er drifinn áfram af gögnum

» Fleiri tengdar fréttir

Stöndum saman

Þetta gerir Þórólfur þegar útlitið er svart: „Búin að vera þung vika“

• Nettó veitir 44 milljónir króna til góðgerðarmála
• Partíréttirnir sem Siggi Gunnars mælir með fyrir kvöldið!
• „Kirkjan er opin og kemur til þín“
• 400 krakka hópdans í morgunsólinni

» Fleiri tengdar fréttir

• Blogga um frétt