Kannar hafstrauma innan lögsögunnar

Þýska rannsóknarskipið RV Sonne hefur undanfarna daga sinnt rannsóknum innan efnahagslögsögu Íslands á hafstraumum í Norður-Atlantshafi.

Sást til þess að störfum á miðunum fyrir austan landið, en samkvæmt ferðaáætlun þess verður skipið til sjós í Norðurhöfum fram til 25. júlí og heldur þá til hafnar í Emden. Ekki er gert ráð fyrir að skipið komi hér að landi, samkvæmt upplýsingum frá Landhelgisgæslunni.

Ásgrímur Ásgrímsson, framkvæmdastjóri aðgerðasviðs hjá Landhelgisgæslunni, segir mjög algengt að rannsóknarskip séu að störfum innan efnahagslögsögunnar, og jafnvel algengara en fólk gruni, að því er fram kemur í Morgunblaðinu í dag.