Voru ekki lengi að bregðast við kallinu

Björgunarsveitinni Báru á Djúpavogi barst seint í gærkvöldi beiðni um hvort sveitin gæti útvegað aðstoð við skip sem statt var nokkar mílur frá landi rétt sunnan við Papey og var í vandræðum að halda vélinni gangandi.

Fram kemur í færslu á Facebook-síðu Báru, að það hafi verið að það tæki þó nokkurn tíma fyrir björgunarskipið Ingibjörgu frá Höfn að komast á staðinn.

„Hringt var í strákana hjá Fiskeldi Austfjarða og voru þeir ekki lengi að bregðast við kallinu og fórum við með þeim á bátnum Sigríði til móts við bátinn og vorum með klár tóg, ef á þyrfti að halda til að draga þá frá landi. Náðu skipverjar þó að koma vélinni í gang og sigla með okkur land, þó að drepist hafði nokkrum sinni á henni á leiðinni. Lögðust að bryggju á Djúpavogi um 1 í nótt,“ segir í færslu björgunarsveitarinnar. 

• Blogga um frétt