Aukin harka er komin í deilur Frakka og Breta um ráðstöfun veiðiheimilda í breskri lögsögu og hafa frönsk yfirvöld lagt hald á breskan togara. Frakkar telja Breta ekki standa við skuldbindingar en 98% fiskiskipa Evrópusambandisns sem sótt hafa um heimild til veiða í lögsögu Breta hafa fengið slíkt leyfi.

Annick Girardin, ráðherra Frakklands um málefni hafsins, tilkynnti á Twitter í gær kvöldi að tvo bresk skip hefðu verið staðin að veiðum út af Le Havre án tilskilinna heimilda og að eitt þeirra hafi verið fært til hafnar í Frakklandi. Bæði hafi hlotið sekt.

Allt frá áramótum þegar nýir samningar tóku gildi hafa frönsk yfirvöld sakað Breta um að úthluta ekki veiðiheimildir til franskra fiskiskipa í samræmi við skuldbindingar sínar.

Fram kemur í umfjöllun AFP-fréttastofunnar að George Eustice, umhverfisráðherra Bretlands, hafi greint frá því að 736 frönsk fiskiskip hafa fengið heimild til að stunda veiðar í breskri lögsögu frá áramótum þar af 103 innan landhelgi á svæði sem er á bilinu sex til tólf mílur frá landi.

Í heild hafa 1.673 skip aðildarríkja Evrópusambandsins fengið heimild til veiða í breskri lögsögu og hafa því veitt veiðileyfi til 98% þeirra fiskiskipa sem sótt hafa um heimild til veiða í breskri lögsögu.

George Eustice, umhverfisráðherra Bretlands, hefur hvatt til stillingar. AFP

Hóta löndunarbanni

Frakkar telja þetta ekki fullnægjandi og hótuðu í gærkvöldi að koma á viðskiptahindrunum frá og með 2. nóvember.  Meðal aðgerða sem koma til greina af hálfu franskra yfirvalda eru lengri og ítarlegri tollskoðanir og heilbrigðiseftirlit á varningi frá Bretlandi auk löndunarbanns í frönskum höfnum.

Frétt af mbl.is

Frakkar hóta að myrkva Jersey

Þá hafa frönsk yfirvöld endurtekið hótun sína um að myrkva Jersey í Ermarsundi með því að loka á rafmagn til eyjunnar.

Eustice segir í dag útspil Frakka vera vonbrigði og fram úr öllu hófi. Hann hét því að aðgerðum verður svarað af yfirvegun og hvatti frönsk yfirvöld til að draga úr spennu vegna málsins.

Deilan náði hámarki í vor er Bretar sáu sig knúna til að verja Jersey fyrir frönskum sjómönnum sem hótuðu að loka höfninni á eyjunni.

Frétt af mbl.is

Tvö varðskip send til Jersey

Tengdar fréttir

Brexit

Verði auðveldara að fara til og frá Bretlandi

• Fríverslunarsamningurinn formlega genginn í gildi
• Harma hve illa Bretum hefur tekist að semja
• Fimm mál sem leiddu til fallsins
• Meiri afli vegna Brexit kalli á fjárfestingar

» Fleiri tengdar fréttir

• Blogga um frétt