Framleidd voru 46.500 tonn af laxi hér á landi á nýliðnu ári, 12 þúsund tonnum meira en árið áður, samkvæmt upplýsingum Matvælastofnunar. Er þetta 35% aukning frá árinu áður en síðustu ár hefur einnig verið mikil aukning. Samsvarar aukningin í fyrra 35% og segir sérfræðingur í fiskeldi að það sé heimsmet, hvergi sé svo mikil aukning í eldi á atlantshafslaxi.

Heildarframleiðsla í fiskeldi jókst heldur minna, eða um 31%, vegna stöðnunar í bleikjueldi sem átt hefur í vök að verjast á mörkuðum vegna kórónuveirufaraldursins.

Hluti af aukningunni á síðasta ári stafar af því að sjóeldisfyrirtæki þurftu að flýta slátrun vegna góðs vaxtar og veirusjúkdóms sem kom upp á Austurlandi. Eigi að síður er spáð aukningu og að framleiðsla á laxi rjúfi 50 þúsund tonna múrinn áður en árið er liðið.

Frétt af mbl.is

Verðmæti í fiskeldi jókst um 23% milli ára

Tengdar fréttir

Fiskeldi

„Margt hefur nú ekki beinlínis verið til fyrirmyndar“

• Segir nýtt frumvarp gefa eldisfyrirtækjum auðlindir
• Laxey fær sex milljarða
• Fjárfestingin 115 milljarðar króna
• Bátur Arnarlax verður fyrsti sinnar tegundar

» Fleiri tengdar fréttir