Rekstrarhagnaður Icelandic Salmon AS, móðurfélag laxeldisfyrirtækisins Arnarlax á Vestfjörðum, nam 7,3 milljónum evra í fyrra, eða rúmum milljarði króna, að því er fram kemur í fréttatilkynningu. Um er að ræða rekstrarhagnað upp á 0,63 evrur á hvert framleitt kíló af fiski.

Í tilkynnignunni segir að um verulegan viðsnúning sé að ræða þar sem 4,6 milljóna evra tap hafi verið árið á undan. Alls námu rekstrartekjur Icelandic Salmon og dótturfélaga þess 90,8 milljónum evra á árinu 2021, sem jafngildir 12,7 milljörðum króna. Tekjur samstæðunnar árið á undan námu 61,8 milljónum evra.

Vakin er athygli á því að markaðaðstæður fyrir laxafurðir hafi verið mjög jákvæðar, en markaðir hafa verið fyrir töluverðum truflunum vegna Covid-19 faraldursins. „Heildaruppskera Icelandic Salmon nam 11.563 tonnum sem er 2,6% meira en í fyrra en vegna hærra afurðaverðs á helstu mörkuðum þá jókst velta fyrirtækisins sem fyrr segir um tæplega 50% á milli ára. Stjórnendur gera ráð fyrir áframhaldandi góðum árangri og að uppskera yfirstandandi árs verði í kringum 16.000 tonn,“ segir í tilkynningunni.

Frétt af mbl.is

Arnarlax kaupir eldisstöðvar á Suðurlandi

Haft er eftir Björn Hembre, forstjóra Icelandic Salmon, að  árið 2021 hafi verið það besta í sögu fyrirtækisins auk þess sem grundvöllur frekari árangurs hafi verið efldur.

„Starfsfólki fjölgaði með ráðningum í ýmis ný hlutverk bæði stjórnenda og sérfræðinga. Þá voru mun minni afföll í framleiðslunni sem er mikið hrós fyrir starfsfólk okkar og til marks um þær úrbætur sem gerðar hafa verið í ræktunarferlinu á síðustu árum. Einnig kynntum við nýtt vörumerki, Arnarlax - Sustainable Iceland Salmon, sem var mikilvægur áfangi í að kynna áherslu okkar á sjálfbærni og græna framleiðslu,“ segir Björn.

Í sjálfbærniskýrslu fyrirtækisins, sem birt var samhliða ársreikningi, kemur fram að mikill viðsnúningur hafi orðið í atvinnulífi Bíldudals síðustu ár. Sveitarfélagið var á árum áður hluti af verkefninu Brothættar byggðir á vegum Byggðastofnunar en hætti í því árið 2016 í kjölfar uppbyggingarinnar í eldi og tengdum greinum.

Björn Hembre forstjóri Icelandic Salmon. mbl.is/Hari

Tengdar fréttir

Fiskeldi

„Margt hefur nú ekki beinlínis verið til fyrirmyndar“

• Segir nýtt frumvarp gefa eldisfyrirtækjum auðlindir
• Laxey fær sex milljarða
• Fjárfestingin 115 milljarðar króna
• Bátur Arnarlax verður fyrsti sinnar tegundar

» Fleiri tengdar fréttir

• Blogga um frétt