Freyja verður máluð í Noregi á nýjan leik
Setja bókamerki
Varðskipið Freyja er nú komið í slipp í Stavangri í Noregi þar sem það verður málað á nýjan leik í litum Landhelgisgæslunnar. Jafnframt fer fram minniháttar viðhald, að því er fram kemur í færslu á vef Landhelgisgæslunnar.
Búist sé við að Freyja verði í Noregi til mánaðarmóta og sigli síðan flekklaus til Íslands.
Þegar Freyja kom til heimahafnar á Siglufirði 6. nóvember í fyrra var ljóst að eitthvað hefði farið úrskeiðis við málun hennar, enda var nýmálað skipið farið að flagna. Seljandi skipsins verður krafinn um greiðslu kostnaðar við málningu skipsins þar sem um augljós mistök af hans hálfu var að ræða.
Verkið var boðið út af Ríkiskaupum og gengið var til samninga við norsku skipasmíðastöðina GMC Yard AS, sem átti eina tilboðið í verkið. Hljóðaði það upp á rúmar 258 þúsund evrur, jafnvirði rúmlega 35 milljóna íslenskra króna.
Hvorki sést áður hér á landi né annars staðar
Telur forsendur fyrir vaxtalækkun
Sex hafa greinst með listeríu
Frambjóðendur skila inn listum í Hörpu
Banna mengandi búnað sem leyfður er á Íslandi
Vonast til að tjaldbúðir við HÍ standi áfram
Skar höfuðleðrið af íslenskri konu
Gígbarmurinn hækkað frá því í gær