Háafell tilkynnti Matvælastofnun um gat á netapoka einnar sjókvíar félagsins við Skarðshlíð í Ísafjarðardjúpi í gær. Íkjölfarið hefur stofnunin fyrirskipað köfun í allar kvíar á eldissvæðinu sem um ræðir til að tryggja að ekki séu fleiri göt á öðrum kvíum.

Þetta kemur fram í tilkynningu á vef Matvælastofnunar.

Þar segir að gatið uppgötvaðist við reglubundið eftirlit á kví C5 og að bráðabirgðaviðgerð sé lokið. Samkvæmt upplýsingum Háafells er gatið um 10 sm x 4 sm að stærð og á 10 m dýpi. Í umræddri sjókví voru 115.255 laxaseiði sem sett voru í kvínna 5. október 2022. Seiðin eru um 500 grömm að þyngd að meðaltali. Neðansjávareftirlit var áður framkvæmt um miðjan janúar og var netapoki þá heill.

Háafell leggur út net á eldissvæðinu í samráði við Fiskistofu.

Gatið er ekki stórt, en fiskurinn í kvínni vegur aðeins 500 grömm. Ljósmynd/Matvælastofnun

Tengdar fréttir

Fiskeldi

„Margt hefur nú ekki beinlínis verið til fyrirmyndar“

• Segir nýtt frumvarp gefa eldisfyrirtækjum auðlindir
• Laxey fær sex milljarða
• Fjárfestingin 115 milljarðar króna
• Bátur Arnarlax verður fyrsti sinnar tegundar

» Fleiri tengdar fréttir

• Blogga um frétt