Gæti aukið arðsemina í íslenskum sjávarútvegi
Sigmar Guðbjörnsson hafði unnið að þróun nýrrar tækni fyrir farsíma í Danmörku þegar hann stofnaði fyrirtækið Stjörnu-Odda árið 1985.
Eftir að hafa þróað vörur sem meðal annars japanska fyrirtækið Panasonic notaði við smíði farsíma flutti hann heim með fjölskyldu sinni og hóf að byggja upp fyrirtækið á Íslandi.
Fljótlega eftir heimkomuna fór Sigmar að einbeita sér að þróun lítilla mælitækja sem voru meðal annars notuð við rannsóknir á hrygningarþorski við Ísland.
Samstarf við NASA
Sigmar og samstarfsmenn hafa síðan þróað fleiri vörur og hefur Stjörnu-Oddi meðal annars átt í samstarfi við Geimvísindastofnun Bandaríkjanna, NASA, og velgjörðarsjóð Melindu og Bill Gates.
Meðal nýjunga hjá fyrirtækinu er þróun búnaðar sem gæti aukið arðsemi í íslenskum sjávarútvegi.
Sér fiskinn í rauntíma
„Við erum að prófa búnað fyrir veiðarfæri á fiskiskipum, nánar tiltekið troll. Frumgerð hans verður prófuð hjá Brimi síðar í þessum mánuði. Með honum mun skipstjórinn geta séð fiskana koma inn í trollið í rauntíma en búnaðurinn er með gervigreind sem greinir tegundir og stærð fiska,“ segir Sigmar en ítarlega er rætt við hann í blaði dagsins.
Lesa má ítarlegt viðtal við Sigmar í ViðskiptaMogganum sem kom út í gær.
Lestu meira með vikupassa!
Fáðu þér vikupassa fyrir 2.185 kr. og þú færð aðgang að öllu efni úr blaði dagsins í dag og næstu 6 daga.
