Sitt sýnist hverjum í VG
Setja bókamerki
Enn er ekki vitað hvort frumvarp Svandísar Svavarsdóttur matvælaráðherra (VG), um að taka að nýju upp svæðisskiptingu strandveiða, verði afgreitt fyrir þinglok 9. júní næstkomandi, að því er fram kemur í umfjöllun Morgunblaðsins.
Bjarkey Olsen Gunnarsdóttir, þingmaður VG í Norðausturkjördæmi, hefur áður lýst yfir stuðningi við frumvarp Svandísar, en Lilja Rafney Magnúsdóttir, varaþingmaður Vesturkjördæmis fyrir VG, hefur hins vegar lýst miklum áhyggjum af frumvarpinu. Ljóst þykir að svæðisskiptingin myndi færa afla sem nú er landað á Vestfjörðum yfir á önnur svæði.
Athygli vakti að í fyrradag tilkynnti síðan Bjarni Jónsson, þingmaður Norðvesturkjördæmis fyrir VG, að hann styddi hugmyndina um að fækka veiðidögum um fjóra þannig að hverjum báti verði tryggðir 11 veiðidagar það sem eftir er af strandveiðitímabilinu.
Að óbreyttu halda strandveiðar áfram út júní en hætta er á að veiðiheimildir klárast um miðjan júlí, löngu áður en veiðitímabilinu er lokið.
Nánar má lesa um málið í Morgunblaðinu.
Tekur gagnrýni Sveit alvarlega
Aðeins 17% þjóðarinnar andvíg veiðigjaldafrumvarpinu
Lítið fer fyrir sleggju Kristrúnar
Virkjunin væri í uppnámi ef ekki væri fyrir ný lög
Dómurinn áfellisdómur yfir löggjafanum
Skorið á böndin á fánum Úkraínu og Palestínu
Segir lóðaskort valda fækkun íbúða í byggingu