Útkall á mesta forgangi vegna slyss um borð í skipi

Þyrlusveit Landhelgisgæslunnar annaðist þrjú útköll á síðastliðnum sólarhring, þar af tvö út á sjó.

Landhelgisgæslunni barst útkall á þriðja tímanum í nótt vegna bráðra veikinda um borð. Togarinn var þá staddur um 14 sjómílur út af Búðarhorni á Vestfjörðum og var áhöfn þyrlu Landhelgisgæslunnar kölluð út. Hífingar gengu vel og skipverjinn var fluttur á sjúkrahús í Reykjavík, að því er segir í tilkynningu Landhelgisgæslunnar.

Frétt af mbl.is

Þyrlan sótti veikan skipverja

Þá var þyrlan tvívegis kölluð út í gær. Í fyrra skiptið vegna göngukonu sem hrasaði og slasaðist á fæti á Breiðamerkurjökli. Konan var sótt og flutt á Landspítalann.

Síðdegis í gær óskaði svo skipstjóri togara eftir aðstoð þyrlusveitar vegna slyss sem varð um borð en skipið var þá statt á miðjum Faxaflóa.

Áhöfnin á þyrlu Landhelgisgæslunnar var þá kölluð út á mesta forgangi. Skipverjinn var hífður um borð í þyrluna og fluttur á sjúkrahús í Reykjavík.

• Blogga um frétt