Starfs­hóp­ur skipaður af mat­vælaráðherra um hval­veiðar telur að mögulegt sé að bæta veiðiaðferðir við veiðar á stórhvölum. Telur hann ekki unnt að útiloka að veiðar með breyttum aðferðum séu betur til þess fallnar en eldri aðferðir að fækka frávikum.

Svandís Svarvars­dótt­ir mat­vælaráðherra skipaði starfs­hóp sem falið var að finna mögu­leg­ar lausn­ir til þess að fækka frá­vik­um við veiðar á langreyðum. Einnig á hóp­ur­inn að meta til­lög­ur sem áður hafa komið fram. Tímabundnu hvalveiðibanni lýkur á föstudag, 1. september.

Í starfshópnum sátu fulltrúar matvælaráðuneytis, fulltrúi Matvælastofnunar og fulltrúi Fiskistofu, auk þess sem hópurinn kallaði utanaðkomandi sérfræðinga til aðstoðar.

Í skip­un­ar­bréf­i hóps­ins er rakið álit fagráðs um vel­ferð dýra og sagt að leggja þurfi aft­ur spurn­ing­ar fyr­ir sér­fræðinga um hvort hægt sé að stunda hval­veiðar inn­an ramma laga um vel­ferð dýra.

Frétt af mbl.is

Andstaða við hvalveiðar eykst

Ráðuneytið skoðar skýrsluna

Segir í tilkynningu frá Stjórnarráðinu að starfshópurinn hafi skilað af sér skýrslunni, en skilafresti lauk á miðvikudaginn var.

Helstu niðurstöður skýrslunnar eru eftirfarandi:

• Starfshópurinn telur að mögulegt sé að bæta veiðiaðferðir við veiðar á stórhvölum.
• Að mati starfshópsins eru framkomnar tillögur og þær úrbætur sem þeim er ætlað að hafa til þess fallnar að hafa áhrif á árangur við veiðarnar.
• Starfshópurinn telur ekki unnt að útiloka miðað við lýsingar á þeim ólíku aðferðum sem lagt hefur verið mat á að veiðar með breyttum aðferðum séu betur til þess fallnar en eldri aðferðir að fækka frávikum sé litið til mögulegra samlegðaráhrifa þeirra.

Ráðuneytið hefur nú skýrslu starfshópsins til skoðunar þannig að hægt sé að undirbyggja næstu skref. Hér eftir sem hingað til verða allar ráðstafanir byggðar á gildandi lögum, faglegum sjónarmiðum og í samræmi við vandaða stjórnsýslu, segir í tilkynningunni.

Frétt af mbl.is

Fara út til leitar eftir helgina

Skýrsluna má lesa hér.

Tengdar fréttir

Hvalveiðar

„Þetta þarf að fara að gerast“

• Veiting hvalveiðileyfis ekki brot á EES-samningi
• Gefur ekkert upp um leyfi til hvalveiða
• Telur tvískinnung í umræðu um hvalveiðar
• Bíður eftir gögnum áður en hún tekur ákvörðun

» Fleiri tengdar fréttir

• Blogga um frétt