Segja gögnin nú tilheyra opinberum skjalasöfnum
Setja bókamerki
Samkeppniseftirlitið (SKE) mun að svo stöddu ekki eyða þeim gögnum sem eftirlitsstofnunin aflaði með ólögmætum hætti frá sjávarútvegsfyrirtækjum fyrr í sumar.
Þetta kemur fram í svörum SKE til nokkurra útgerðarfélaga sem farið hafa fram á það að gögnum um þau verði eytt. Sem kunnugt er hafði SKE, að beiðni matvælaráðuneytisins, hafið athugun á stjórnunar- og eignartengslum í sjávarútvegi gegn greiðslu frá ráðuneytinu og voru fyrirtækin krafin um ítarleg gögn um starfsemi sína. Eitt félag, Brim ehf., varð ekki við ósk SKE og sætti fyrir vikið dagsektum. Áfrýjunarnefnd samkeppnismála komst að þeirri niðurstöðu að SKE væri ekki heimilt að gera verktakasamning við ráðuneytið og afla þannig þeirra gagna sem krafist var.
Segja gögnin orðin „skjöl“
Í kjölfar þeirrar niðurstöðu hafa mörg útgerðarfélög krafist þess að þeim gögnum sem þau höfðu veitt SKE yrði eytt. Í svörum SKE kemur fram að skv. lögum um opinber skjalasöfn sé kveðið á um að óheimilt sé að ónýta eða farga nokkru skjali í skjalasöfnum þeirra aðila sem falla undir lögin nema með samþykki þjóðskjalavarðar.
Nánari umfjöllun er að finna í Morgunblaðinu í dag
Dagbjört dæmd í 10 ára fangelsi fyrir líkamsárás
Umboðsmaður barna krefur ráðherra um svör
Fjöldi tungumála áskorun
Kerfið féll á prófinu
Ísland orðið of dýrt
„Þú ert bara orðin miðaldra kona“
Sláandi tölur kalla á djúpa greiningu
Leitaði að upplýsingum um Kennedy-morðið