Hafnarstjóri Grindavíkurhafnar gerir ekki ráð fyrir því að skip muni landa við höfnina í bráð. Hann segist sjálfur bíða eftir upplýsingum, eins og aðrir, um hvenær og hvort fara megi inn í bæinn til að huga að eigum.

Öll umferð um Grindavíkurhöfn er lokað eins og annarri umferð inn í bæinn, sem var rýmdur í gær í kjölfar þess að neyðarstigi var lýst yfir i Grindavík. 

Lítið af skipum í höfninni

„Sem betur fer er lítið af skipum í höfninni,“ segir Sigurður Arna Kristmundsson, hafnarstjóri Grindavíkurhafnar, enda nú sá tími árs sem alla jafna er frekar rólegur við Grindavíkurhöfn. Þrátt fyrir það eru einhverjir smábátar í höfn, en Sigurður hefur ekki nákvæma tölu um hve margir þeir eru. 

„Við erum sjálfir með bát í höfninni, hafnsögubáturinn er þarna. Við höfum ekki fengið upplýsingar um hvenær við fáum heimild til að fara og sækja hann,“ segir Sigurður sem kveðst ekki hafa fengið neinar upplýsingar um næstu skref. 

Hann segist þó ekki vera sá eini sem bíður fregna um það hvort og þá hvenær leyfi fæst til að fara inn í bæinn, til að huga að eigum, enda mikið af verðmætum eignum og fyrirtækjum í Grindavík. 

Eru einhverjir bátar úti sem þurfa að sækja til annarra hafna?

„Já, ég geri ráð fyrir því að menn sæki inn í flóann til Sandgerðis, inn í Þorlákshöfn eða til næstu hafnar,“ segir Sigurður og bætir við:

„Skipin munu væntanlega ekki landa í Grindavík í bráð, sem eiga annars að landa þar.“

Tengdar fréttir

Eldvirkni á Reykjanesskaga

„Það yrði enginn hissa ef það byrjaði gos í dag“

• Vantar fólk: „Þetta er gaman en það er ekki nóg“
• Um 70 jarðskjálftar í kvikuganginum
• „Síðasta stóra verkefnið“
• „Bíð bara eftir að það fari að gjósa aftur“

» Fleiri tengdar fréttir

• Blogga um frétt