Kom til Húsavíkur í togi
Setja bókamerki
Varðskipið Freyja kom til Húsavíkur seint í gærkvöldi með hollenska flutningaskipið Treville í togi og lagði það við bryggju um klukkan hálf tólf. Ekki liggur fyrir hve margir voru um borð í flutningaskipinu eða hvað olli því að það varð vélarvana.
Treville var um fjórar sjómílur út af Rifstanga, sem er um 15 kílómetra norðvestur af Raufarhöfn, á leið frá Akureyri til Rostock í Þýskalandi þegar það varð vélarvana. Hafði áhöfnin samband við stjórnstöð Landhelgisgæslunnar á þriðja tímanum aðfaranótt gærdagsins og greindi frá því að skipið væri vélarvana vegna bilunar og að það ræki í átt að landi.
„Töluvert viðbragð var vegna atviksins. Þyrlusveit og sjóbjörgunarsveitir á vegum Slysavarnafélagsins Landsbjargar voru kallaðar út ásamt áhöfninni á varðskipinu Freyju. Þá var nálægt togskip einnig beðið um að halda á staðinn,“ segir í tilkynningu á Facebook-síðu Landhelgisgæslunnar.
Virðist hafa verið nokkuð í að viðbragðsaðilar kæmust á staðinn enda löng leið að skipinu. Var ákveðið að stöðva rek skipsins með því að láta akkeri Trevillle falla og þegar það tókst var aðstoð björgunarsveita og þyrlusveitar afturkölluð.
Freyja var mætt á vettvang um klukkan tvö síðdegis í gær og komin með skipið í tog rúmlega klukkan fjögur. Í tilkynningunni segir: „hæglætisveður var á staðnum og sjólag um 2-3 metrar.“
Umboðsmaður barna krefur ráðherra um svör
Afhendir yngri kynslóðum keflið
Segir afsökun Microsoft lélega
Fjöldi tungumála áskorun
/frimg/1/50/63/1506351.jpg)
Halla fær rafbíl á sérdíl
Lögregla handtók mann sem reyndist eftirlýstur