Khloé Kardashian tók orð sín til baka um helgina og sagði sambandsslitin við barnsföður sinn, Tristan Thompson, ekki vera Jordyn Woods að kenna. Körfuboltakappinn hélt fram hjá Kardashian með Woods í febrúar en Woods er besta vinkona Kylie Jenner.
Raunveruleikastjarnan greindi frá því um helgina að vikan hefði verið erfið fyrir hana og viðurkenndi að hafa látið orð falla sem hún sæi eftir. Sagði hún þetta framhjáhald ekki hafa verið jafn mikið áfall og fyrst þegar hann hélt fram hjá henni og það komst upp.
Kardashian sagði að það hefði verið erfitt að manneskja sem hún elskaði og hugsaði um eins og systur sína hefði sært hana svona mikið. Það væri þó ekki hægt að kenna henni um hvernig fór fyrir fjölskyldu hennar og Thompson.
People greinir frá því að Kardashian/Jenner-fjölskyldan standi 100 prósent á bak við Khloé Kardashian. Heimildarmaður segir að Kanye West líti á alla sem abbast upp á fjölskyldu eiginkonu sinnar sem árás á sig. Er hann sagður tilbúinn til þess að slíta öll tengsl við bæði Jordyn Woods og Tristan Thompson. Eiginkona hans, Kim Kardashian, er sögð öskuill vegna þess sem systir hennar þurfti að ganga í gegnum.
This has been an awful week & I know everyone is sick of hearing about it all (as am I). I’m a rollercoaster of emotions & have said things I shouldn’t have. Honestly, Tristan cheating on me & humiliating me, wasn’t such a shock as the first time.
— Khloé (@khloekardashian) March 2, 2019
What’s been harder & more painful is being hurt by someone so close to me. Someone whom I love & treat like a little sister. But Jordyn is not to be blamed for the breakup of my family. This was Tristan’s fault.
— Khloé (@khloekardashian) March 2, 2019
I have to move on with my life & count my blessings, my family, my health, & my beautiful baby True.
— Khloé (@khloekardashian) March 2, 2019