Nýlega slitnaði upp úr trúlofun samfélagsmiðlastjörnunnar Heiðdísar Rósar og unnusta hennar Farzad Sepahifar. Mikil dramatík hefur einkennt sambandsslitin en í myndbandi sem Sepahifar setti inn á Instagram í gær er hann kominn með nálgunarbann gegn Heiðdísi.
„Hann fékk tímabundið nálgunarbann á mig,“ sagði Heiðdís Rós í samtali við blaðamann Mbl.is. Hún segir að tilgangurinn hafi verið að koma í veg fyrir að hún gæti náð í dótið sitt. Hún bætir einnig við að það sé auðvelt að fá nálgunarbann þar sem hún býr í Los Angeles.
Heiðdís vill að öðru leyti lítið tjá sig um málið að svo stöddu og segir að hún muni segja sína hlið þegar hún er tilbúin.