Systur tóku sína fyrstu æfingu á Eurovisionhöllinni í Tórínó í gær. Það er nóg að gera hjá íslenska hópnum og stífar æfingar framundan. Ísland stígur á svið á fyrra undanúrslitakvöldinu á þriðjudaginn 10. maí. 

„Æfingin á sviðinu gekk mjög vel í gær. Í dag æfði hópurinn svo sjálfur í æfingasal í borginni. Og það sama verður gert á morgun,“ segir Rúnar Freyr Gíslason verkefnastjóri hjá RÚV í samtali við mbl.is. 

„Framundan í dag er skoðunarferð um miðborg Tórínó í boði keppnishaldaranna. Á miðvikudaginn fara Systur í fjöldann allan af viðtölum við erlenda miðla. Það er talsverður áhugi á meðal þeirra á Systrum. Á fimmtudaginn verður svo næsta æfing á sviðinu í höllinni og eftir æfinguna verður svo fyrsti stóri blaðamannafundurinn sem Systur fara á.“

Íslenski hópurinn kemur vel út á sviðinu á Ítalíu. Ljósmynd/EBU/Nathan Reinds

Tengdar fréttir

Eurovision

Bashar Murad heldur tónleika á Íslandi

• Bashar Murad tekur þátt í Falastinvision
• „Þetta er ekki það sem þjóðin hefur verið að kalla eftir“
• Guðrún Dís lýsir Eurovision
• Heru Björk ekki spáð upp úr riðlinum

» Fleiri tengdar fréttir

• Blogga um frétt