TikTok-stjarnan Dixie D'Amelio rakaði af sér hárið á dögunum og frumsýndi nýja lúkkið á rauða dregli 150 ára afmælisveislu Harper's Bazaar Icons og Bloomingdale's. Af myndum að dæma er Dixie hæst ánægð með breytinguna, enda verið langþráður draumur. 

„Mig hefur langað til að gera þetta síðan ég var í sjötta bekk,“ sagði Dixie í myndbandi sem hún birti á Youtube-rás sinni á föstudag. Undanfarið segist hún hafa séð mikla breytingu á lífi sínu eftir að hún hafi sett andlega heilsu sína í forgang.

Í Youtube-myndbandinu kemur móðir Dixie fram og segist sjálf hafa rakað af sér hárið þegar hún var yngri. „Það var mjög frelsandi. Margir spurðu mig hvort ég væri að ganga í gegnum eitthvað,“ sagði móðir hennar. Dixie var sammála því að fólk gæti hugsað það sama um hana þar sem hún hafi verið sorgmætt að undanförnu. 

Á rauða dreglinum skartaði Dixie glæsilegum síðkjól og náttúrulegri förðun sem fóru sérlega vel við nýju greiðsluna.