Búið er að loka fyrir aðgengi að Westminster Hall þar sem kista Elísabetar 2. Bretadrottningar hefur legið síðustu fimm daga. Tugir þúsunda þegna hafa staðið í biðröðum svo klukkutímum skiptir undanfarna viku til að votta drottningunni virðingu sína þar.

Drottning verður lögð til hinstu hvílu í dag en breska ríkið hóf undirbúning fyrir útför hennar fyrst á sjöunda áratug 20. aldar. Athöfnin fer fram í Webminster Abbey en þetta verður fyrsta opinbera útförin í Bretlandi frá því að Winston Churchill var borinn til grafar árið 1965.

Frétt af mbl.is

Þakkaði þeim sem biðu fyrir þolinmæðina

Guðni og Eliza fara fyrir Íslands hönd

Gert hefur verið ráð fyrir fleirum en tvö þúsund manns í útför drottningarinnar sem hefst klukkan 10 að íslenskum tíma. Auk bresku konungsfjölskyldunnar verða viðstaddir þjóðarleiðtogar, þjóðhöfðingjar og ýmsir tignir gestir en Guðni Th. Jóhannesson forseti Íslands og Eliza Reid forsetafrú fara fyrir Íslands hönd.

Frétt af mbl.is

Til Lundúna á morgun vegna útfarar Elísabetar

Frétt af mbl.is

Biden vottar Elísabetu virðingu sína

Elísabet drottning féll frá þann 8. september, þá 96 ára að aldri. Hún lést í Balmoral-kast­ala í Skotlandi þar sem hún hafði verið undir stöðugu eftirliti lækna. Elísa­bet er sá þjóðhöfðingi sem hef­ur verið hvað lengst við völd í sögu Bret­lands og lengst við völd af kven­kyns þjóðhöfðingj­um í heim­in­um.