Jennifer Lopez hefur löngum verið þekkt fyrir dívustæla og uppskafningshátt, en mörg lög söngkonunnar sem komu henni á toppinn fjalla þó um fátækleg kjör Lopez á uppvaxtarárum hennar í Bronx-hverfinu í New York.

Frétt af mbl.is

Svona heldur Jennifer Lopez í æskuljómann

Velgengni söng- og leikkonunnar hefur þó fært henni allt sem hægt væri að óska sér og er Lopez, 54 ára, ófeimin að flagga auði sínum. Leikkonan birtir reglulega óaðfinnanlegar myndir á samfélagsmiðlum, sem sýna ómælda fegurð hennar, fjölskyldu og íburðarmikið líf.

Hver er lykillinn að fullkomnum myndum hennar? Atvinnuljósmyndarinn Ana Carballosa, en hún sér um að ljósmynda „hversdagslíf“ Lopez fyrir bæði samfélagsmiðla og fréttabréf sem söng- og leikkonan heldur úti.

Frétt af mbl.is

Jennifer Lopez kynnir nýja spritz drykki

Stjarnan sást nýverið njóta lífsins á snekkju nærri Amalfi-ströndinni og náðust myndir af leik- og söngkonunni ásamt ljósmyndaranum, sem var á fullu að fanga hvert augnablikið á fætur öðru.

Lopez var stórglæsileg í efnislitlu hvítu bikiníi með g-streng og sást hún sötra Delola, en það er lína af áfengum drykkjum sem hún setti á markað í apríl á þessu ári.