Tvíburar Mary prinsessu og Friðriks krónprins fögnuðu á dögunum 13 ára afmæli sínu. Í tilefni af því birti danska konungshöllin nýja mynd af tvíburunum, þeim Jósefínu og Vincent.

Myndin virðist vera tekin á heimili þeirra í Amelíuborg og eru börnin prúðbúin og í stíl, bæði í dökkum jökkum. 

Þetta eru yngstu börn konungshjónanna en þau eiga einnig Kristján sem er átján ára og Ísabellu sem er sextán ára.

Innan fárra daga verður faðir þeirra, Friðrik, kóngur Danmerkur og bróðir þeirra verður þá krónprins og um leið færast þau einu sæti ofar í erfðaröðinni. Vincent verður þriðji í röðinni og Jósefína sú fjórða en Vincent fæddist 26 mínútum á undan Jósefínu.

Friðrik og Mary ásamt börnum sínum þegar þau voru að hefja grunnskólagöngu sína. mbl.is/AFP

Vincent prins og Jósefína prinsessa þegar þau voru tíu ára, Ljósmynd/Danska konungsfjölskyldan