Mar­grét Þór­hild­ur Dana­drottn­ing hefur formlega látið af völdum. Sonur hennar, Friðrik tíundi, er nýr konungur í Danmörku.

AFP/Jonathan Nackstrand

Meira en 100 þúsund manns voru í miðborg Kaupmannahafnar af  þessu tilefni í dag og fylgdist með Margréti Þórhildi fara frá Kristjánsborgarhöll eftir að hafa afsalað sér krúninni með formlegum hætti. Þar með lýkur 52 ára valdatíð Margrétar Þórhildar. Þegar hún yfirgaf höllina sagði hún tárvotum augum: „Guð varðveiti konunginn.“

Frétt af mbl.is

Listræn og litrík Danadrottning kveður hásætið

Mikill mannfjöldi var samankominn í miðborg Kaupmannahafnar í dag. AFP/Mads Claus Rasmussen

Í kjölfarið steig Friðrik konungur út á svalir Kristjánsborgarhallar og veifaði til viðstaddra. „Móður minni tókst það sem fáum hefur tekist, að verða samofin þjóð sinni,“ sagði hann í ávarpi og bætti því við að hann vonaðist eftir því að geta verið sameiningartákn í framtíðinni.