Fyrsta október síðastliðinn hófst slátrun á laxi úr eldisstöð Arctic Fish við Hvestu í Arnarfirði. Slátrun stendur enn yfir en gert er ráð fyrir að henni ljúki fyrir Páska. Um er að ræða um fimm kílóa lax í fremsta gæðaflokki, að því er segir í tilkynningu Arctic Fish.
Fyrsta október síðastliðinn hófst slátrun á laxi úr eldisstöð Arctic Fish við Hvestu í Arnarfirði. Slátrun stendur enn yfir en gert er ráð fyrir að henni ljúki fyrir Páska. Um er að ræða um fimm kílóa lax í fremsta gæðaflokki, að því er segir í tilkynningu Arctic Fish.
Fyrsta október síðastliðinn hófst slátrun á laxi úr eldisstöð Arctic Fish við Hvestu í Arnarfirði. Slátrun stendur enn yfir en gert er ráð fyrir að henni ljúki fyrir Páska. Um er að ræða um fimm kílóa lax í fremsta gæðaflokki, að því er segir í tilkynningu Arctic Fish.
Brunnbátinn Novatrans sækir að jafnaði um 70 til 90 tonn á dag, fjóra daga vikunnar til vinnslu í Drimlu laxavinnslu í Bolungarvik.
Þegar fiskurinn fór í sjó í Hvestu vorið 2022 var hann um 150 grömm, en við slátrun er hann um fimm kíló. „Um 94% af fiskinum hefur farið í fyrsta gæðaflokk en það sem fer í annan gæðaflokk er flakað hjá Odda á Patreksfirði. Þar verða svo um 95% af annars flokks fiskinum að flökum sem fara í hæsta gæða flokk og því má segja að um 99% af fiskinum okkar fari í hæsta gæðaflokk.“
Nýting á fóðri er sögð hafa verið með besta móti og er sérstaklega vísað kví þrjú í Hvestu. „Þar framleiddum við stærsta fisk sem farið hefur í gegn um sláturhúsið okkar Drimlu í Bolungarvík en hann var að 6,1 kg slægður. Hlutfall fóðurs á móti fiski var 1,18 sem er frábær árangur með svona stóran fisk.“
Þá hafa verð verið há og fást um 1.200 til 1.800 krónur á kíló. Í meðal kví er um 450 tonn og því getur aflaverðmætið úr einni slíkri verið um 600 milljónir króna. Vakin er athygli á því að verð á lax sveiflast mikið eftir árstíma og eru verð í hæstu hæðum á þessum árstíma.