Björk Guðmundsdóttir prýðir forsíðuna á nýjasta hefti Vogue Scandinavia, eins vinsælasta tískublaðs í heimi. Þetta er í fyrsta sinn sem íslenska tónlistarkonan og aðgerðasinninn prýðir forsíðu blaðsins, þrátt fyrir margra ára feril og heimsfrægð.

Björk er stórglæsileg á myndinni, en hún er klædd í hátískukjól sem hannaður var af John Galliano fyrir franska tískuhúsið Maison Margiela.

Kjóllinn, sem hefur verið titlaður: “the year’s most iconic dress”, hefur vakið ómælda athygli frá því hann var sýndur á tískupöllunum fyrr á árinu, en hann er gegnsær, handlitaður og meðal annars gerður úr mannshári.

Það var íslenski ljósmyndarinn Viðar Logi sem myndaði tónlistarkonuna fyrir Vogue Scandinavia.

Frétt af mbl.is

Íslenskar ofurkonur sem hafa haslað sér völl erlendis

Frétt af mbl.is

Lofsamlegir dómar um nýjasta lag Bjarkar