Samfélagsmiðlastjarnan Guðrún Veiga Guðmundsdóttir, jafnan kölluð Gveiga, lifir lífinu í lit og slær iðulega á létta strengi, enda algjör húmoristi. Hún lýsir sjálfri sér sem „litríkum maxímalista“ á Instagram og á það án efa við um líflegan persónuleika hennar, leikgleði og skrautlegan fata- og heimilisstíl.

Guðrún Veiga, sem er með tæplega 31.000 fylgjendur á Instagram, birti stórskemmtilega færslu í gærdag þar sem hún sýndi netverjum nýjustu flíkina í fataskápnum, buxur með sebra mynstri. Samfélagsmiðlastjarnan segir móður sína ekki alveg jafnhrifna af buxunum og hún sjálf. 

„Ég fór með mömmu í Kringluna um helgina. Mjög leitt að eiga ekki mynd af svipnum sem hún setti upp þegar ég keypti þessar buxur,” skrifaði hún við færsluna.