Yfirvöld í Japan segja að geislavirkni í námunda við kjarnorkuverið í Fukushima hafi mælst 18 sinnum meiri en menn höfðu áður talið. 

TEPCO, sem stjórnar kjarnorkuverinu, greindi frá því í síðustu viku að geislavirkt vatn hefði lekið úr kælitönkum og farið í jarðveginn. Fyrirtækið segir nú að mælingar á lekum tanki í gær hafi leitt í ljós að geislavirknin sé það mikil að hún geti dregið einstaklinga til dauða innan fjögurra klukkustunda frá því þeir komast í snertingu við mengunina.

Kjarnorkuverið skemmdist mikið í náttúruhamförum sem dundu yfir í mars árið 2011. 

TEPCO hafði upphaflega sagt að geislavirknin væri í kringum 100 millisívert á klukkustund. Nú er komið í ljós að búnaður sem fyrirtækið notaði til mælinga gat ekki mælt geislun yfir 100 millisívert. 

Með því að nota nýjan tækjabúnað hefur komið í ljós að mengunin mælist vera 1.800 millisívert á klst.

Tengdar fréttir

Jarðskjálfti í Japan

Sýni úr úrgangsvatni frá Fukushima innan marka

• Vatn úr kjarnorkuveri á leið í sjóinn
• Setti lögbann á opnun kjarnorkuvers í Japan
• Sýknaðir vegna Fukushima-slyssins
• Minnast hamfaranna fyrir 7 árum

» Fleiri tengdar fréttir

• Blogga um frétt