Yfirmaður taílenska hersins sagði í sjónvarpsávarpi í dag að herinn hefði tekið yfir stjórn landsins. Fréttir af yfirvofandi valdaráni hafa verið háværar að undanförnu og nú hafa þær verið staðfestar. Herforinginn sagði í ávarpinu að herinn myndi koma á stöðugleika og pólitískum umbótum í Taílandi.

Þetta kemur fram á fréttavef breska ríkisútvarpsins. Fréttaskýrandi BBC í Bangkok, höfuðborg Taílands, segir að fréttirnar staðfesti að valdarán sé hafið í landinu. 

Mikil mótmæli og ólga braust út í fyrra þegar Yingluck Shinawatra, þáverandi forstæsiráðherra landsins, leysti upp neðri deild þingsins. 

Mótmælendur hafa lokað nokkrum svæðum í borginni í nokkra mánuði. 

Á þriðjudag greindi herinn frá því að herlög hefðu verið sett í Taílandi. 

Tengdar fréttir

Valdarán í Taílandi

Haldið án ákæru í 132 daga

• Útgöngubanni aflétt á ferðamannastöðum
• Neita að hafa lokað samfélagsmiðlum
• Mótmæltu valdaráni hersins
• Þingið leyst frá störfum

» Fleiri tengdar fréttir

• Blogga um frétt