Konur sem taílenska lögreglan hefur yfirheyrt vegna ólöglegrar staðgöngumæðrunar segjast hafa fengið greiddar 12.500 Bandaríkjadali, 1,5 milljón króna, fyrir að ganga með barn fyrir japanskan mann.

Í síðustu viku var greint frá því að Japaninn á að minnsta kosti fimmtán barna sem staðgöngumæður fæddu í Taílandi. Maðurinn, sem gengur undir nafninu Jack, er farinn til Japans en sendi lögreglunni lífsýni svo hægt væri að kanna hversu mörg börn hann ætti í Taílandi.

Níu smábörn fundust hjá fóstrum í Bankok og setti lögreglan af stað rannsókn á mögulegu mansali og dökkum hliðum staðgöngumæðrunar í landinu.

Enn á eftir að yfirheyra sex konur sem gengu með barn fyrir manninn en þær fimm sem þegar hefur verið rætt við segja að samningur hafi komist á milli þeirra og mannsins í gegnum skrifstofur. Ástæðan er í öllum tilvikum sú sama hjá konunum, fjárþörf. 

Eftir að rannsókn hófst á þessum málum í Taílandi er talið að tugir ef ekki hundruð útlendra para bíði nú í lausu lofti um hvort þau fá börnin sem þau hafa keypt af staðgöngumæðrum með ólöglegum hætti í landinu.

Tengdar fréttir

Gammy litli

Lokapróf í tækniháskóla skrifleg út af gervigreind

• Staðgöngumóðir kemur í veg fyrir að barnið fari úr landi
• Gammy fékk ríkisborgararétt
• Staðgöngumæðurnar vilja forræði
• Nýtt mál tengt staðgöngumæðrun

» Fleiri tengdar fréttir

• Blogga um frétt