Tveir blaðamenn Reuters hafa verið ákærðir af lögreglunni í Búrma fyrir að hafa tekið við leyniskjölum sem tveir lögreglumenn létu þá hafa yfir kvöldverði.

Þeir eiga yfir höfði sér allt að fjórtán ára fangelsi verði þeir fundnir sekir.

Wa Lone og Kyaw Soe Oo, sem eru frá Búrma, voru handteknir í síðasta mánuði. Þeir höfðu sagt fréttir af ofsóknum stjórnarhers Búrma á hendur rohingjum.

Sameinuðu þjóðirnar hafa fordæmt ofbeldið og lýsa því sem þjóðernishreinsunum.

„Segið fólkinu að vernda blaðamennina okkar!“ hrópaði Kyaw Soe Oo í réttarsalnum.

Blaðamennirnir mæta aftur í réttarsalinn 23. janúar þegar málflutningur hefst.

Wa Lone á leiðinni í réttarsalinn. AFP

Tengdar fréttir

Rohingjar á flótta

Bátur með 180 Róhingjum á reki í meira en mánuð

• Fundu 14 lík á ströndinni
• Bandaríkin segja Mjanmar hafa framið þjóðarmorð
• Rohingjar höfða mál gegn Facebook
• Þaggað niður og falið í skugga skammar

» Fleiri tengdar fréttir

• Blogga um frétt