Baðst afsökunar og nauðgaði henni aftur

Fyrrverandi forsetaframbjóðandi í Suður-Kóreu hefur sagt af sér sem ríkisstjóri eftir að ritari sakaði hann um að hafa ítrekað nauðgað sér. Ahn Hee-jung hafnaði í öðru sæti á eftir Moon Jae-in í vali á forsetaframbjóðanda demókrata í fyrra.

Einn af riturum hans kom fram í sjónvarpi í gær og greindi frá því að Ahn hefði nauðgað henni fjórum sinnum síðan hann réð hana til starfa í júní. 

Kim Ji-eun sagði í viðtali við JTBC-sjónvarpsstöðina að Ahn hafi síðast beðið hana um að koma inn á skrifstofuna til sín að kvöldi til 25. febrúar. Hann hafi beðið hana afsökunar á að hafa sært hana og rætt #MeToo-byltinguna. „Síðan nauðgaði hann mér aftur,“ sagði hún og barðist við grátinn í viðtalinu. Hún sakaði Ahn einnig um að hafa beitt fleiri konur kynferðislegu ofbeldi. 

Í kjölfar viðtalsins kom stjórn demókrataflokksins saman á neyðarfundi og var Ahn rekinn úr flokknum á staðnum. Nokkrum klukkustundum síðar tilkynnti Ahn um afsögn sína sem ríkisstjóri í Suður-Chungcheong-héraði og tilkynnti að hann ætlaði að hætta í stjórnmálum.

„Ég bið alla afsökunar, einkum ungfrú Kim Ji-eun,“ segir hann í færslu á Facebook. „Ég bið afsökunar á heimskulegri hegðun minni [...] Þetta er allt mér að kenna,“ segir hann.

Málið hefur vakið mikla athygli í Suður-Kóreu enda Ahn mjög vinsæll á meðal ungra frjálslyndra kjósenda fyrir framkomu sína á opinberu vettvangi. Ahn hefur verið áberandi stuðningsmaður #MeToo-herferðarinnar og ítrekað lýst yfir stuðningi við hana á opinberum vettvangi. Síðast nokkrum klukkustundum áður en Kim kom fram í sjónvarpi og lýsti ofbeldinu sem hún varð fyrir af hans hálfu.

„Það að hann nauðgaði mér aftur eftir að hafa talað um #MeToo-hreyfinguna og beðist afsökunar fékk mig til þess að hugsa: Ég losna aldrei undna þessu. Hvernig get ég flúið frá honum?“ sagði Kim í viðtalinu í gærkvöldi.

mbl.is
INTENSIVE ICELANDIC,ENGLISH & NORWEGIAN f. foreigners - ÍSLENSKA f. útlendinga - ENSKA f. fullorðna - NORSKA
ÍSLENSKA, ENSKA, NORSKA: I, II, III, IV, V, VI: 2018: AUTUMN/HAUST: START/B...
ÚTI HRINGSTIGAR
Vantar stiga af svölunum ofan í garðinn ? Stærð 120, 140 og 160 cm og eftir mál...
UHD skjáir ( 4k )
Upplýsingar gefur Ólafur hjá Varmás ehf. sími 566 8144 ...
Egat Standard Rafmagns - Nuddbekkur V :193.000 Tilboð:179.000 út sept
Egat Standard.Rafmagnsnuddbekkur Verð 193.000 Tilboð:179.000 út sept Olíu og V...