Kennsl borin á sprengjumanninn
Setja bókamerki
Maðurinn sem er grunaður um að hafa staðið á bak við pakkasprengjuárásir í Texas í Bandaríkjunum hét Mark Anthony Conditt og var 23 ára, að sögn bandarískra fjölmiðla.
Hann sprengdi sjálfan sig í loft upp eftir að lögreglumenn umkringdu bíl hans í borginni Round Rock í Texas.
Að sögn yfirvalda bjó maðurinn um 30 kílómetrum frá Austin, höfuðborg Texas, samkvæmt frétt BBC.
Yfirvöld hafa enn ekki greint opinberlega frá nafni mannsins.
Fjórar sprengjuárásir hafa verið gerðar í Austin síðustu daga. Sprengjurnar voru sendar í pósti og sprungu er sendingarnar voru opnaðar. Óttast er að fleiri sprengjum hafi verið komið fyrir í borginni.
Tveir hafa farist og sex særst í sprengingunum.
Greg Abbot, ríkisstjóri Texas, sagði við sjónvarpsstöðina Fox News að Conditt hafi búið með tveimur meðleigjendum sínum í Flugerville, um 30 kílómetrum suður af Austin.
Mennirnir sem bjuggu með honum hafa verið yfirheyrðir af lögreglunni en þeir eru ekki grunaðir um aðild að pakkasprengingunum.
Mál hjúkrunarfræðingsins fer aftur fyrir héraðsdóm
Kostnaður meiri en milljón á fermetra
Strand skemmtiferðaskips kallar á erlenda aðstoð
Hvorki sést áður hér á landi né annars staðar
Sex hafa greinst með listeríu
Krefjast stöðvunar framkvæmda
Kaldasti veturinn kom að óvörum
Skaut sex sinnum að feðginum á aðfangadagskvöld