Ráðamenn í Nýja-Suður-Wales í Ástralíu hafa ákveðið að verja 45 milljónum ástralskra dala, sem nemur 3,5 milljörðum króna, í að vernda kóalabirni á svæðinu. BBC greinir frá.

Fjármagninu verður varið í að koma á fót skógverndarsvæði og spítala til að annast veik og slösuð dýr. Þá verða ráðstafanir gerðar við vegi þar sem algengt er að kóalabirnirnir drepist þegar þeir verða fyrir bílum.

Fækkun í kóalastofninum er meðal annars talin stafa af minnkuðu búsvæði, hundaárásum og loftslagsbreytingum.

Skógverndarsvæðið verður 250 ferkílómetrar að stærð.

Fjöldi kóalabjarna í Nýja-Suður-Wales hefur minnkað um 26% á tveimur áratugum, en talið er að um 36.000 kóalabirnir búi á svæðinu.

Frétt af mbl.is

Kóalabirni bjargað eftir bílferð

Tengdar fréttir

Krúttleg dýr

Snerti gras í fyrsta skipti

• Kraftaverkamörgæs fannst eftir tvær vikur á sundi
• Eignaðist ofursjaldgæfan hvolp
• Fékk líf vegna litarhafts
• Klifraði inn um glugga á bíl og stal snakkpoka

» Fleiri tengdar fréttir

• Blogga um frétt