Gina Haspel nýr yfirmaður CIA
Setja bókamerki
Öldungadeild Bandaríkjaþing samþykkti í dag tilnefningu Donalds Trumps Bandaríkjaforseta á Ginu Haspel sem næsta yfirmann bandarísku leyniþjónustunnar, CIA. Haspel verður fyrsta konan til að gegna starfi yfirmanns leyniþjónustunnar.
Tilnefningin var samþykkt þrátt fyrir tengsl hennar við leynilegt fangelsi CIA á Taílandi árið 2002 þar sem liðsmenn hryðjuverkasamtakanna Al-Kaída voru beittir vatnspyndingum. Tengslin hafa verið harðlega gagnrýnd, sérstaklega af þingmönnum demókrata.
Haspel kom fyrir nefnd bandarísku öldungadeildarinnar í síðustu viku þar sem hún fullyrti að stofnunin muni ekki beita pyndingum undir hennar stjórn.
Alls greiddu 54 þingmenn atkvæði með tilnefningunni en 45 á móti. Einn sat hjá. Sex þingmenn Demókrataflokksins fóru á svig við vilja flokksins og greiddu atkvæði með tilnefningunni. Tveir þingmenn Repúblikanaflokksins greiddu atkvæði gegn Haspel.
Trump óskaði Haspel formlega til hamingju á Twitter, eins og honum einum er lagið. Forsetinn hefur ítrekað sagt að hún sé fádæma hæf í starf yfirmanns leyniþjónustunnar.
Haspel, sem er 61 árs, tekur við af Mike Pompeo, sem Trump útnefndi sem utanríkisráðherra fyrir skömmu.
Búið að fella björninn
Algeng laun 1,4 til 2,2 milljónir
Vangaveltur gengu lengra en innistæða var fyrir
Björninn sagður nálægt byggð
Komu saman á kyrrðar- og bænastund
Gerðu umfangsmiklar loftárásir á Líbabon
Hætta vegna jarðfalls í sprungur metin töluverð
Tveir í haldi grunaðir um mansal og smygl á fólki