Níundi maðurinn ákærður

Sofiane Ayari.
Sofiane Ayari. AFP

Félagi franska hryðjuverkamannsins Salah Abdeslam hefur verið ákærður fyrir aðild að hryðjuverkaárásum í Brussel 22. mars 2016 sem kostuðu 32 lífið. 

Túnisbúinn, Sofiane Ayari, er sá níundi sem er ákærður fyrir aðild að árásunum en um sprengjutilræði var að ræða á flugvellinum í Brussel og neðanjarðarlestarstöð í miðborginni þann sama dag. Hundruð særðust í árásunum.

Ayari, sem var með Abdeslam þegar hann var handtekinn nokkrum dögum fyrir árásirnar í Brussel, skaut á lögreglu þegar þeir reyndu að verjast handtöku.  

Ayari, sem er 24 ára gamall, er ákærður fyrir aðild að hryðjuverkahóp og að hafa tekið þátt í að undirbúa árásirnar. Talið er að hann hafi tekið þátt í bardögum með Ríki íslams í Sýrlandi áður en hann kom til Belgíu.

Ayari og Abdeslam voru báðir dæmdir í 20 ára fangelsi í apríl fyrir að hafa skotið á lögregluna í byssubardaganum í Brussel 15. mars 2016. Ayari hefur setið í belgísku fangelsi síðan hann var handtekinn en Abdeslam er í frönsku fangelsi þar sem hann bíður réttarhalda vegna árásanna í París nóvember 2015. Alls létust 130 í þeim og hundruð særðust.

mbl.is
Jólabasar Kattholts
Basarinn verður laugardaginn 1.desember n.k. Endilega hafið samband í Kattholt...
INTENSIVE ICELANDIC, ENGLISH & NORWEGIAN f. foreigners - ÍSLENSKA f.útl - ENSKA - NORSKA
ÍSLENSKA, ENSKA, NORSKA, DANSKA: I, II, III, IV, V, VI: 2018: AUTUMN/HAUST: ...
Perlur sem ekki þarf að strauja !!
Nýtt á Íslandi, perlur sem ekki þarf að strauja, einungis sprauta vatni á og þær...