Bandaríkin segja sig úr Mannréttindaráði SÞ

Nikki Haley, sendiherra Bandaríkjanna hjá Sameinuðu þjóðunum, mun tilkynna um ...
Nikki Haley, sendiherra Bandaríkjanna hjá Sameinuðu þjóðunum, mun tilkynna um úrsögn Bandaríkjanna úr Mannréttindaráði SÞ síðar í dag. AFP

Stjórnvöld í Bandaríkjunum munu tilkynna um úrsögn ríkisins úr Mannréttindaráði Sameinuðu þjóðanna síðar í dag. Bandaríkin ásaka aðildarríki ráðsins um rótgróna fordóma í garð Ísraelsríkis.

Mike Pompeo, utanríkisráðherra Bandaríkjanna, og Nikki Haley, sendiherra Bandaríkjanna hjá Sameinuðu þjóðunum, munu að öllum líkindum tilkynna um úrsögnina í utanríkisráðuneytinu í Washington klukkan fimm síðdegis að staðartíma, eða klukkan níu í kvöld að íslenskum tíma.

Ráðið var stofnað árið 2006 á grundvelli Genfar-sáttmálans og eiga 47 ríki fulltrúa í ráðinu. Tilgangur ráðsins er að fjalla um og rannsaka mannréttindabrot. Ríkin eru kosin af allsherjarþingi SÞ til þriggja ára setu í senn. Bandaríkin hafa átt sæti í ráðinu í eitt og hálft ár og hefur Haley ítrekað hótað að sniðganga Genfar-sáttmálann.

Ljóst er að með úrsögninni mun Ísrael missa sinn helsta bandamann í ráðinu. Mannréttindabrot Ísraels eru til umfjöllunar á fundum ráðsins hverju sinni og eru ávallt númer sjö á dagskrá fundarins.

mbl.is
Skrifstofuhúsnæði Bolholti 4
Til leigu er skrifstofurými, alls um 110 fermetrar, í austurenda á 5. og efstu ...
Lincoln Capri Landau árg. 1957
Bíllinn er lítið ekinn og aðeins tveir eigendur frá upphafi í USA og einn hér he...
Til sölu Musso Sport pallbíll árg.2004
Tilboð óskast í bílinn - gangfær en óskoðaður. Upplýsingar: 5531049 Ólafur Heið...
Nokkrar notaðar saumavélar til sölu !!
Nokkrar tegundir, ýmsar gerðir. Allar ástandsskoðaðar og prófaðar af fagmanni. V...