Hafna niðurstöðu SÞ

Stjórnvöld í Búrma hafna niðurstöðu rannsóknar nefndar á vegum Sameinuðu þjóðanna um að aðgerðir hersins gagnvart rohingjum séu þjóðarmorð. Skýrslan var kynnt fyrr í vikunni og eru þetta fyrstu viðbrögð stjórnvalda við henni.

Talsmaður stjórnvalda í Búrma, Zaw Htay, segir að stjórnvöld hafi ekki heimilað rannsóknarnefndinni (UN Fact-Finding Mission) að koma til landsins og þess vegna samþykki yfirvöld ekki eða taki undir ályktanir mannréttindaráðsins.

Rann­saka þarf æðstu ráðamenn búrmiska hers­ins vegna þjóðarmorðs í Rak­hine-héraði og fyr­ir glæpi gegn mann­kyn­inu á öðrum svæðum. Þetta er niðurstaða nýrr­ar skýrslu Sam­einuðu þjóðanna, sem bygg­ir á hundruðum viðtala og er harðasta for­dæm­ing sam­tak­anna á of­beld­inu gegn rohingj­um til þessa.

Eru aðgerðir hers­ins sagðar í „stöðugu og veru­legu ósam­ræmi við raun­veru­lega ör­ygg­is­ógn“, að því er seg­ir í skýrsl­unni. Þar eru sex hátt sett­ir yf­ir­menn í búrmiska hern­um nefnd­ir á nafn og sagt að rétta ætti yfir þeim. Þá er skýrsl­an einnig veru­lega gagn­rýn­in í garð Aung San Suu Kyi, leiðtoga Búrma, fyr­ir að stöðva ekki of­beldið.

Face­book lokaði á æðstu ráðamenn búrmiska hers­ins vegna mann­rétt­inda­brota þeirra í kjölfar birtingar skýrslunnar á mánudag.

Mjög er þrýst á stjórnvöld í Búrma vegna aðgerða hersins sem hröktu yfir 700 þúsund rohingja úr landi og yfir til nágrannaríkisins Bangladess.

Á fundi öryggisráðs SÞ í gær hvöttu fulltrúar nokkurra ríkja, þar á meðal Bandaríkjanna, til þess að herforingjar í búrmíska hernum yrðu látnir sæta ábyrgð og dregnir fyrir alþjóðlegan dómstól.

mbl.is
Lincoln Capri Landau árg. 1957
Bíllinn er lítið ekinn og aðeins tveir eigendur frá upphafi í USA og einn hér he...
- Studio íbúð til leigu.
Til leigu í Biskupstungum fyrir 1-2, bað/sturta og eldhús, gasgrill. leigist ...
Til sölu 16" álfelgur og snjódekk
Felgurnar eru original Mitsubishi 16", gatadeiling 108x5. Dekkin eru Firestone ...
Cherokee hjólbarðar óskast
Óska eftir hjólbörðum fyrir Grand Cherokee stærð 225/75/16R eða 236/70/16R Uppl...