Elon Musk reykti kannabis í beinni

Elon Musk hefur vakið athygli fyrir ýmislegt misjafnt undanfarið.
Elon Musk hefur vakið athygli fyrir ýmislegt misjafnt undanfarið. Ljósmynd/Skjáskot

Elon Musk, stofnandi og forstjóri Tesla, heldur áfram að vekja athygli heimsbyggðarinnar. Á dögunum var milljarðamæringurinn staddur í hlaðvarpsþætti Joes Rogans, sem er ekki í frásögur færandi nema vegna þess að þeir kveiktu sér í jónu og reyktu í beinni útsendingu.

Musk hefur valdið fjárfestum talsverðum áhyggjum upp á síðkastið, en snemma í ágúst tilkynnti hann á Twitter að hann ætlaði að taka Tesla af markaði og bjóða 420 dollara fyrir hvern hlut. Talan 420 er tala sem jafnan er tengd kannabisneyslu, og er 20. apríl til að mynda haldinn hátíðlegur af kannabisneytendum í Bandaríkjunum og víðar ár hvert.

Aðeins um tveimur vikum seinna sendi hann hins vegar frá sér yfirlýsingu þess efnis að Tesla yrði áfram á hlutabréfamarkaði.

Í myndskeiðinu hér að neðan má sjá myndbrot úr hlaðvarpsþætti Joes Rogans, þar sem Musk ræðir meðal annars að þeir sem líti út fyrir að vera hamingjusamastir séu oft þeir óhamingjusömustu.

mbl.is
INTENSIVE ICELANDIC,ENGLISH & NORWEGIAN f. foreigners - ÍSLENSKA f. útlendinga - ENSKA f. fullorðna - NORSKA
ÍSLENSKA, ENSKA, NORSKA: I, II, III, IV, V, VI: 2018: AUTUMN/HAUST: START/B...
BÓKHALD
NP Þjónusta Býð fram liðveislu við bókanir, reikn-ingsfærslur o.fl. Hafið samban...
Ertu komin í saumaskap ?
Nýjar og notaðar saumavélar í úrvali. Nýjar vélar með 3 ára ábyrgð. Notaðar véla...
GRUNDIG túbusjónvarp
Grundig TB 800. Til sölu kr. 2500.- Br:80cm.. Hæð:57cm. uppl: 8691204...